Донишгоҳи техникии Тоҷикистон дар татбиқи ҳадафҳои стратегии мамлакат нақши калидӣ дорад
ДУШАНБЕ, 22.07.2021 /АМИТ «Ховар»/. Саҳми Донишгоҳи техникии Тоҷикистон дар татбиқи ҳадафҳои стратегии Ҳукумати Ҷумҳурии Тоҷикистон- ноил гардидан ба истиқлоли энергетикӣ, раҳоӣ аз бунбасти коммуникатсионӣ ва саноатикунонии босуръати кишвар бо омода намудани кадрҳои болаёқати соҳаҳои муҳандисӣ ва иҷрои корҳои илмӣ-таҳқиқотӣ дар ин самт ниҳоят назаррас аст. Ин нуктаро Ректори Донишгоҳи техникии Тоҷикистон ба номи академик М. С. Осимӣ Қудрат Давлатзода имрӯз зимни нишасти матбуотӣ иброз намуд.
Зикр шуд, ки соли равон зинаи бакалавриат, мутахассис ва магистратураи Донишгоҳро дар 35 кафедраи тахассусӣ аз рӯи 72 ихтисос қариб 2400 нафар муваффақона ба итмом расониданд. Аз шумораи умумии донишҷӯёни хатмкардаи донишгоҳ дар соли равон ба 58 нафар бо тавсияи Комиссияи аттестатсионии хатм дипломи аъло дода шуд.
Бо натиҷагирӣ аз фаъолияти Донишгоҳи техникии Тоҷикистон Қудрат Давлатзода зикр намуд, ки соли равон Комиссияи қабули Донишгоҳи техникии Тоҷикистон тибқи муқаррароти пешниҳодгаштаи нақшаи қабул 3216 нафар довталабонро аз рӯи 26 равия ва 33 ихтисос тавассути Маркази миллии тестии назди Президенти Ҷумҳурии Тоҷикистон ба нақша гирифтааст. Аз онҳо 356 нафар буҷавӣ, 23 01 нафар шартномавӣ ва 559 нафар фосилавӣ таҳсил мекунанд. Инчунин қабули 590 нафар магистрантон пешбинӣ шудааст.
Алҳол дар Донишгоҳи техникии Тоҷикистон зиёда аз 11 600 нафар донишҷӯён ба таҳсил фаро гирифта шудаанд, ки ба онҳо беш аз 600 нафар омӯзгорон дарс медиҳанд. Заминаи моддию техникии донишгоҳ сол аз сол мукаммал ва рушд намуда, алҳол дар донишгоҳ 1523 компютер, 384 принтер, 53 сканер, 10 сервер, 183 тахтаи интерактивӣ, 238 проектори мултимедӣ, 23 телевизор, 310 камераи назоратӣ дар толорҳои дарсӣ ва дигар техникаи иттилотию коммуникатсионӣ мавҷуданд, ки дар раванди таълим ва идоракунӣ аз онҳо ба таври самаранок истифода мегардад. Ҳамзамон тамоми биноҳои таълимӣ ва қисми асосии бинои хобгоҳҳои донишгоҳ ба шабакаи интернет пайваст мебошанд.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
