Файзалӣ Аҳмадзода: Аз 142 чорабинии назоратии гузаронидаи Палатаи ҳисоб 83,2 млн. сомонӣ зарари молиявӣ ошкор гардид

Июль 15, 2021 13:00

ДУШАНБЕ, 15.07.2021 /АМИТ «Ховар»/. Дар шашмоҳаи якуми соли 2021 Палатаи ҳисоб дар вазорату идораҳо, марказ ва гурӯҳҳои татбиқи лоиҳаҳои сармоягузорӣ, бонкҳо, субъектҳои хоҷагидорӣ ва дигар муассисаҳои буҷетӣ 142 чорабинии назоратӣ гузаронида, зарари молиявиро ба маблағи 83,2 млн. сомонӣ муайян намуд.  Аз маблағи умумии зарари молиявии ошкоргардида хароҷоти ғайриқонунии пулию молӣ 19,4 млн. сомонӣ, камомад ва тасарруфи воситаҳои пулию молӣ 1,2 млн.сомонӣ, изофанависӣ дар корҳои таъмиру сохтмонӣ 7,5 млн. сомонӣ, зарар аз фурӯш ва иҷораи амволи давлатӣ 763 ҳазор сомонӣ, талафи воситаҳои пулию молӣ 2,7 млн. сомонӣ, маблағҳои кам ҳисобигардида ва рӯйпӯшнамудаи андозҳою пардохтҳои ҳатмӣ ва дигар пардохтҳо ба буҷет 51,3 млн. сомонӣ ва пардохт накардани суди саҳмияҳои ба давлат тааллуқдошта 151 ҳазор сомониро ташкил медиҳад.

Ин матлабро имрӯз зимни нишасти матбуотӣ муовини Раиси Палатаи ҳисоби Ҷумҳурии Тоҷикистон Файзалӣ Аҳмадзода ба хабарнигорон баён дошт.

Файзалӣ Аҳмадзода иброз дошт, ки оид ба бартараф намудани камбудию норасоиҳои ошкоргардида тадбирҳои мушаххас андешида шуда, товони зарари молиявӣ ба маблағи 80,7 млн. сомонӣ, аз ҷумла ба буҷет 39 млн. сомонӣ, ба корхонаҳо 16,6 млн. сомонӣ ва тавассути мақомоти ҳифзи ҳуқуқ 25 млн. сомонӣ барқарор карда шуд, ки 97 фоизи маблағи умумии зарари молиявиро ташкил медиҳад.

Дар нишаст гуфта шуд, ки дар давраи ҳисоботӣ дар 4 ташкилоту муассисаҳои буҷетии ноҳияи Нуробод, Шуъбаи манзилию коммуналӣ ва хоҷагидории шаҳри Турсунзода ва Муассисаи давлатии «Шуъбаи манзилию коммуналӣ ва хоҷагидории шаҳри Норак» дар асоси дархости мақомоти ҳифзи ҳуқуқ чорабиниҳои аудиторӣ гузаронида шуда, зарари молиявӣ ба маблағи 1,9 млн. сомонӣ ошкор гардид.

Инчунин захираҳо ва талафи буҷет аз ҳисоби ба инобат нагирифтани манбаъҳои андозбандӣ ба маблағи 1836,6 ҳазор сомонӣ ва истифодаи ғайримақсадноки маблағҳо ба қадри 368,5 ҳазор сомонӣ муайян гардида, бақияпулиҳои андоз ба маблағи 57,9 ҳазор сомонӣ, зиёдомади молу маводи арзишдор ба маблағи 28,9 ҳазор сомонӣ ба буҷет ва муассисаҳо барқарор карда шуда, қарзҳои беасоси кредиторӣ ба маблағи 211,5 ҳазор сомонӣ ва маблағгузории сметаҳои хароҷотӣ ба қадри 41,2 ҳазор сомонӣ кам карда шуд.

Ҷиҳати бартараф намудани камбудию норасоиҳои молиявӣ ба вазорату идораҳо ва корхонаву муассисаҳо дар маҷмӯъ 15 хулоса бо 119 тавсияҳои судманд ирсол карда шуда, аз баррасии онҳо бо иштироки кормандони Палатаи ҳисоб 15 қарору фармонҳо қабул гардида, 84 нафар ба ҷавобгарии интизомӣ ва моддӣ кашида шудаанд.

Ҷиҳати ба роҳ мондани ҳамкории дуҷонибаи судманд бо мақомоти олии аудити давлатҳои хориҷӣ Палатаи ҳисоби Ҷумҳурии Тоҷикистон дар ин давра созишномаи ҳамкориро бо мақомоти олии аудити Ҷумҳурии Ӯзбекистон ва Давлати Исломии Афғонистон ба имзо расонид.

 

Июль 15, 2021 13:00

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад