Кумитаи ҳолатҳои фавқулода ва мудофиаи гражданӣ: Дар ҷойҳои мамнӯъшуда оббозӣ накунед!
ДУШАНБЕ, 03.06.2021 /АМИТ «Ховар»/. Наҷотдиҳандагони Кумитаи ҳолатҳои фавқулода ва мудофиаи граждании (КҲФ ва МГ) назди Ҳукумати Ҷумҳурии Тоҷикистон дар шабонарӯзи охир ҷасади панҷ нафарро аз дарёҳо ва махзанҳои обии мамлакат берун оварданд.
Тибқи иттилои маркази матбуоти Кумитаи ҳолатҳои фавқулода ва мудофиаи гражданӣ, дар дарёи Қаратоғи ноҳияи Шаҳринав сокини 11-солаи ҳамин ноҳия ғарқ гардид. Ҷасади ӯ ёфт ва ба оилааш супурда шуд.
Ҳамчунин дар канали Заркамари шаҳри Турсунзода духтари 7-сола ғарқ шуд. Дар кори ҷустуҷӯи ӯ наҷотбахшон ва сокинони маҳаллӣ иштирок карданд. Ҷасади ӯ 2,5 километр поинтар аз маҳали вуқӯи ҳодиса пайдо карда шуд.
Дар ноҳияи Рӯдакӣ духтари 9-сола дар канали Кӯктош ғарқ шуд, ҷасади ӯ низ ёфт ва ба хешовандонаш супурда шуд.
Инчунин тибқи хабари расида, дар обанбори Неругоҳи барқи обии “Варзоб” ҷасади духтари 18-солаи сокини ноҳияи Рӯдакӣ ёфт шудааст. Сабабҳои марги духтар муайян карда мешаванд.
Дар дарёи Кофарниҳон сокини 17-солаи пойтахт ғарқ шудааст. Ҷасади ӯ 500 метр поинтар аз ҷои ҳодиса ёфт ва аз дарё бароварда шудааст.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо исрор аз шаҳрвандон даъват мекунад, ки қоидаҳои бехатариро дар назди махзанҳои об риоя кунанд ва дар ҷойҳои мамнӯъшуда оббозӣ накунанд.
Дар Тоҷикистон мусобиқаи «МегаФон Life дар сабки футбол» анҷом ёфт
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
