Кумитаи рушди сайёҳӣ: «Таваҷҷуҳи шаҳрвандони дохилӣ ва хориҷӣ барои дидани мавзеъҳои тамошобоби ҷумҳурӣ меафзояд»
ДУШАНБЕ, 10.07.2021/АМИТ «Ховар»/. Сол то сол таваҷҷуҳи шаҳрвандони дохилӣ ва хориҷӣ барои дидани мавзеъҳои ҷолиб ва тамошобоби минтақаҳои гуногуни ҷумҳурӣ меафзояд. Барои ба ин комёбӣ ноил гардидан, қабл аз ҳама мавҷудияти воситаҳои қабул ва хизматрасониҳои сайёҳӣ мусоидат менамоянд. Дигар омили мусоидаткунанда рушди инфрасохтор, аз ҷумла беҳтар гардидани ҳолати роҳҳои маҳаллӣ, хизматрасонии нақлиётӣ, бунёди марказҳои муосири савдо, тиҷорати меҳмонхонавӣ ва ғайра мебошанд.
Ин матлабро Раиси Кумитаи рушди сайёҳии назди Ҳукумати Ҷумҳурии Тоҷикистон дар ҷаласаи ҳайати мушовараи Кумитаи мазкур оид ба ҷамъбасти нимсолаи аввали соли равон ва вазифагузориҳо барои нимсолаи дуюми соли 2021, ки бо иштироки мушовири бахши Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Сайфидин Сироҷзода, намояндагони вазоратҳои рушди иқтисод ва савдо, саноат ва технологияҳои нав, Кумитаи рушди маҳал доир гардид, баён намуд.
Тавре аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ “Ховар” хабар доданд, дар ҷаласа Раиси Кумита Тоҷиддин Ҷӯразода зикр намуд, ки дар натиҷаи ҳамкорӣ ва саъю кӯшиши якҷоя бо сохтроҳои марбута омили эҳёи босуръати рушди соҳа таъмин гардида, дар ин замина шаҳрвандон бо ҷойҳои кории нав таъмин гардида, беҳтар гардидани сифати нави зиндагии мардум ва аз ҳама муҳим омили мусоидаткунанда барои ба раванди ҷаҳонии сайёҳӣ шомил шудани давлатамон, ҳамчун кишвари осоишта ва дорои иқтидори бузурги сайёҳӣ бо пешниҳоди хизматрасонии муносиб боис мегардад.
Масъулини вазорату идораҳои дахлдор ва мақомоти маҳаллӣ бо дарназардошти соли ниҳоии «Солҳои рушди деҳот, сайёҳӣ ва ҳунарҳои мардумӣ» барои фаъолияти пурсамар ҷиҳати дар сатҳи баланди ташкилӣ гузаронидани чорабиниҳои банақшагирифта барои ҳамкории зич давъат гардиданд.
Ҳамчунин ҷиҳати ташкили босифати чорабиниҳо, аз ҷумла форуми сайёҳии СҲШ, Фестивали хӯрокҳои миллии кишварҳои СҲШ, Форуми байналмилалии рушди агротуризм, дар доираи таҷлили 20 — солагии Созмони ҳамкории Шанхай, Фестивали байналмилалии «Душанбе-пойтахти сайёҳии ЭКО» масъулин дастурҳои мушаххас гирифтанд.
Аксҳо аз Кумитаи рушди сайёҳии назди Ҳукумати ҶТ
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
«ТОҶИКИСТОН-2024». Дар Душанбе аз 3 то 5 май Намоишгоҳи байналмилалии универсалӣ баргузор мегардад
Байни Тоҷикистон ва Италия дар соҳаҳои ҳамлу нақли байналмилалии автомобилӣ ва саноату технологияҳои нав созишномаҳо ба имзо расиданд
БАТР барои намояндагони бахши молиявии Тоҷикистон даври нахустини дарсҳои маҳорат ташкил намуд
