Нашриёти «Адиб» дар шаҳри Бохтар намоиш-фурӯши китоб доир кард

Июль 2, 2021 10:58

ДУШАНБЕ, 02.07.2021 /АМИТ «Ховар»/. Имрӯз Муассисаи нашриявии «Адиб» дар майдони «70- солагии Водии Вахш»-и шаҳри Бохтари вилояти Хатлон  намоиш- фурӯши китоб доир намуд. Дар ин маъракаи фарҳангӣ зиёда аз 5 ҳазор нусха китоб иборат аз 140 номгӯйи асарҳо аз адабиёти классику муосири тоҷик ва ҷаҳон, инчунин адабиёти бачагонаро  пешкаши алоқамандони мутолиа гардонида шуд.

Тавре директори Нашриёти «Адиб» Давлат Сафар ба хабарнигори АМИТ «Ховар» иттилоъ  дод, дар  намоиш-фурӯши китоб   намояндагони соҳаҳои мухталифи шаҳру ноҳияҳои минтақаи Бохтари вилояти Хатлон ҷамъ омада, асарҳои писандидаи хешро дарёфт намуда шоиру нависандагони маъруфи тоҷик аз наздик шинос шуда, дар китобҳои харидаашон соядаст мегиранд.

Ин бори дуюм аст, ки дар шаҳри Бохтар аз ҷониби Нашриёти «Адиб» чунин намоиш-фурӯши китоб баргузор мешавад.

Ёдовар мешавем, ки 12 декабри соли гузашта  дар  саҳни бинои  Донишгоҳи давлатии шаҳри Бохтар ба номи Носири Хусрав  бо ташаббуси Нашриёти «Адиб» намоиш-фурӯши китобҳои тозанашр баргузор гардид. Мояи ифтихор ва хушҳолист, ки давоми ду соати баргузории  ин намоиш-фурӯш 5000 нусха китобҳои  пешниҳоднамудаи муассисаи мазкур  пурра ба савдо рафтанд, ки ин бори дигар аз муҳаббати беандозаи ҳамватанони мо ба китоб ва арҷгузорӣ ба он дарак медиҳад.

        «Бахусус аз фаъолнокии омӯзгорону донишҷӯёни Донишгоҳи давлатии шаҳри Бохтар  бо роҳбаладии ректори муасисса Сайфиддин Давлатзода дар ин  намоиш –фурӯши  китоб ба ваҷҳ омадем. Таваҷҷуҳи ихлосмандон ба осори тозанашри адибони классику муосири тоҷику форс ва ҷаҳон манзараи боварнокарданиро мемонд. Ҳозирин дар талоши интихоби китоб чунон саргарм шуданд, мисли шахсе, ки муддати тӯлонӣ ғизо нахӯрда бошад. Кош, ҳама муассисаҳои таълимӣ ба китобу китобхонӣ  чунин  муносибат мекарданду  роҳбаронашон мисли Давлатзода Сайфиддин масъулиятшинос мебуд. Ана инро мегӯянд,  ҳамовозӣ ба дастури Паёми солонаи Президенти Ҷумҳурии Тоҷикистон муҳтарам Эмомалӣ Раҳмон ҷиҳати ҷалби толибилмон ба китобу китобхонӣ»,-  изҳор намуда буд  он замон Давлат Сафар.

Аксҳо аз Нашриёти “Адиб”

Июль 2, 2021 10:58

Хабарҳои дигари ин бахш

«ШОМИ МУШТАРАКИ ФАРҲАНГИИ ТОҶИКИСТОН ВА ЭРОН». Дар Теҳрон вобаста ба ҳамкории фарҳангӣ вохӯрӣ доир гардид
Ҳайати намояндагони Ҳизби Коммунистии Чин аз тамошои Қалъаи Ҳисор таассуроти нек бардошт
Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
Дар Осорхонаи миллӣ ба ифтихори Рӯзи таъсиси Шоҳигарии Арабистони Саудӣ намоиши аксҳо баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Дар Теҳрон шоми муштараки фарҳангии Тоҷикистон ва Эрон баргузор гардид
Сарбозону афсарон дар Осорхонаи миллӣ бо таъриху тамаддуни қадимии тоҷикон шинос гардиданд
21 ФЕВРАЛ-РӮЗИ БАЙНАЛМИЛАЛИИ ЗАБОНИ МОДАРӢ. Забони тоҷикӣ аз ҷиҳати ғановат ва сермаъноии калимаҳо байни забонҳои хурду бузурги дунё мақоми аввалро доро мебошад
Бахшида ба Рӯзи байналмилалии забони модарӣ дар Институти забон ва адабиёти ба номи Рӯдакӣ ҳамоиш доир шуд
Масъалаи баланд бардоштани соҳаи фарҳанг дар ноҳияи Ишкошим баррасӣ гардид
Муассисаи давлатии «Тоҷикфилм» бо синамогарони хориҷӣ филмҳои муштарак ба навор мегирад
«ИСТИҚЛОЛ ВА РУШДИ ЗАБОНИ МОДАРӢ». Бахшида ба Рӯзи байналмилалии забони модарӣ дар Душанбе ҳамоиш доир шуд