Ғолибони мусобиқаҳои варзишӣ оид ба тенниси рӯйи миз ва шоҳмоту шашка муайян шуданд

Июль 15, 2021 14:20

 ДУШАНБЕ, 15.07.2021 /АМИТ «Ховар»/. Бахшида ба таҷлили 30-солагии Истиқлоли давлатии Ҷумҳурии Тоҷикистон  дар шаҳри Душанбе миёни кормандони вазорату идораҳо мусобиқаҳои варзишӣ аз намуди тенниси рӯйи миз ва шоҳмоту шашка доир гардиданд.

Дар ҷамъбасти мусобиқаи  тенниси рӯи миз аз рӯи барномаи гурӯҳӣ байни мардон дастаи Вазорати мудофиаи Ҷумҳурии Тоҷикистон ҷойи якумро соҳиб гардид. Инчунин дастаи Вазорати корҳои дохилӣ ҷойи дуюм ва дастаи БДАҶТ “Амонатбонк” мақоми сеюмро ишғол намуданд.

Тавре аз Кумитаи кор бо ҷавонон ва варзиш ба АМИТ “Ховар” иттилоъ доданд, байни бонувон ҷойи якум насиби  дастаи Кумитаи кор бо ҷавонон ва варзиш шуда, ҷойи дуюмро  дастаи Вазорати корҳои дохилӣ ва ҷойи сеюмро дастаи Вазорати мудофиаи Ҷумҳурии Тоҷикистон соҳиб гардиданд.

Аз рӯи намуди шоҳмот ва шашка 11 даста бо иштироки 50 нафар сабқат намуданд.

Зимни натиҷагирӣ дастаи Вазорати мудофиаи Ҷумҳурии Тоҷикистон ҷойи якум, дастаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҷойи дуюм ва Хадамоти гумруки назди Ҳукумати Ҷумҳурии Тоҷикистон сазовори ҷойи сеюм гардиданд.

Дар мусобиқаи варзишӣ аз рӯи намуди шашка дастаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҷойи якум, дастаи Вазорати мудофиаи Ҷумҳурии Тоҷикистон ҷойи дуюм ва дастаи Суди конститутсионии Ҷумҳурии Тоҷикистон ҷойи сеюмро касб намуданд.

Дар маросими ҷамъбастӣ ба ғолибони мусобиқаҳо  аз ҷониби раиси Кумитаи кор бо ҷавонон ва варзиш  Абдулло Раҳмонзода диплом, медал ва ҷом супорида шуданд.

Мусобиқаи мазкур бо ташаббуси Кумитаи кор бо ҷавонон ва варзиш бо мақсади таҳкими тарзи ҳаёти солим, рушду инкишофи соҳаи варзиш ва оммавияти он  роҳандозӣ карда шуд.

Дар мусобиқаи варзишӣ оид ба тенниси рӯйи миз 13 даста бо фарогирии 104 нафар ширкат варзиданд. Мусобиқа аз рӯи барномаҳои даставӣ, инфиродӣ, ҷуфтӣ ва омехта байни мардон ва бонувон сурат гирифт.

Июль 15, 2021 14:20

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод