Сироҷиддин Икромӣ: Дороиҳо ва сармояи «Амонатбонк» афзудаанд

Июль 21, 2021 16:10

ДУШАНБЕ, 21.07.2021 /АМИТ «Ховар»/. Дороиҳои яке аз куҳантарин бонкҳои Тоҷикистон –Бонки давлатии амонатгузории Тоҷикистон  «Амонатбонк» ба санаи 30 июни соли равон  беш аз 4,6 миллион сомонӣ ва уҳдадориҳои бонк  зиёда аз 4,2 миллион  сомониро ташкил додаанд, ки дар қиёс нисбат ба ҳамин давраи соли гузашта  мутаносибан 10,5 фоиз  зиёд мебошанд.

Тавре дар нишасти матбуотӣ Раиси Бонки давлатии  амонатгузории Ҷумҳурии Тоҷикистон «Амонатбонк» Сироҷиддин Икромӣ  ба намояндагони  расонаҳои хабарӣ гуфт, «дар ин давра пардохтпазирии бонк дар сатҳи баланд нигоҳ дошта шуда,  маблағҳо сари вақт  ба ҳисобҳои дахлдор  гузаронида шуданд».

Сироҷиддин Икромӣ афзуд, ки  дар ин давра сармояи  «Амонатбонк»  ба андозаи 10,5 фоиз афзоиш ёфта, ба зиёда аз 491 миллион  сомонӣ баробар шуд, даромади софи бонк  зиёда аз 33 миллион сомониро ташкил намуд, ки дар қиёс ба ҳамин  давраи соли  гузашта беш аз 39 фоиз зиёд мебошад. Инчунин «Амонатбонк»  аз рӯи фаъолияти  худ ба андозаи  62,4 миллион сомонӣ  андозу пардохтҳои  ҳатмиро ба буҷети давлатӣ пардохт намуд, ки нисбат ба ҳамин давраи соли гузашта  беш аз 18 миллион сомонӣ  зиёд мебошад.

Ҳамзамон бо мақсади ҷорӣ намудани  теҳнологияи қабули  андозҳо ва пардохтҳои  ҳатмӣ аз аҳолӣ дар ҳамбастагӣ бо мутахассисони Кумитаи андози назди Ҳукумати ҷумҳурӣ  317 нуқтаи  қабул   дар марказҳои хизматрасонии   филиалҳои «Амонатбонк» дар минтақаҳои кишвар бо истифода аз барномаи «Қабули пардохтҳо» фаъолият доранд, ки 17 адади он имсол пайваст гардидаанд.

Июль 21, 2021 16:10

Хабарҳои дигари ин бахш

Беш аз 60 дарсади ҳиссаи муомилоти молии Тоҷикистон ба кишварҳои минтақаи СҲШ рост меояд
Дар Тошканд Форуми иқтисодии кишварҳои узви СҲШ ҷараён дорад
«ПОМИРИНВЕСТ-2022». Форуми байналмилалӣ ба Бадахшон сармоя ҷалб менамояд
ИМРӮЗ — РӮЗИ РОҲИОҲАНЧИЁНИ ТОҶИК. Баъди таваққуфи дусола моҳҳои август-сентябр Тоҷикистон ҳаракати қатораҳои мусофирбарро ба роҳ мемонад
Масъалаи рушди табодули маҳсулот миёни Тоҷикистон ва Арабистони Саудӣ баррасӣ гардид
Завқӣ Завқизода ва намояндагони Бонки Исломии Рушд масоили мушкилоти ирригатсионии ноҳияи Панҷро баррасӣ намуданд
ҚУРБИ АСЪОР: 1 евро аз 10.4158 то 10.5000 сомонӣ муқаррар шудааст
РОҲИ САФЕД! Баъд аз ду соли таваққуф аввалин қатора аз Тоҷикистон ба самти Русия ҳаракат кард
Дар Бадахшон ҷаласаи Шӯрои ҳамоҳангсозӣ бо донорҳо ва шарикони рушд баргузор гардид
ПАХТА-2022. Даҳаи охири моҳи август дар Тоҷикистон маъракаи ҷамъоварии «тиллои сафед» оғоз мешавад
«Амонатбонк» ва «KazakhExport» бо мақсади ҷалби сармоя ва рушди соҳибкорӣ Ёддошти тафоҳум ба имзо расониданд
ҚУРБИ АСЪОР: 1 рубли русӣ аз 0.1635 то 0.1660 сомонӣ муқаррар шудааст

Маводҳои таҳлилӣ