Умед Бобозода: Аксари муроҷиатҳои шаҳрвандон ба таври мусбат ҳал гардиданд

ДУШАНБЕ, 15.06.2021. /АМИТ «Ховар»/. Дар шашмоҳаи якуми соли 2021 дар мақомоти Ваколатдор оид ба ҳуқуқи инсон 1088 (с.2020 — 1132) муроҷиат ба қайд гирифта шудааст, ки аз онҳо 227 (с.2020 — 250) муроҷиати хаттӣ ва 851 (с.2020 — 882) адад шифоҳӣ буданд. Дар ин бора имрӯз, 15 июл Ваколатдор оид ба ҳуқуқи инсон Умед Бобозода зимни нишасти матбуотии ин ниҳод ба доирави васеи хабарнигорон иттилоъ дод.

Зикр шуд, ки имсол нисбат ба солҳои қаблӣ муроҷиатҳои шаҳрвандон  оид ба ин ё он масъала ба дастгоҳи марказӣ ва маҳаллӣ дар вилоятҳо зиёд ворид гардида, ба аксари онҳо посухҳои мусбат дода шуданд.

Ҳамзамон У. Бобозода иброз намуд, ки дар ин давра аз ҷониби роҳбарият ва кормандони мақомот 9 мониторинг, 14 санҷиш ва 9 боздид гузаронида шуд.

Бо мақсади таҳкими ҳамкорӣ аз тарафи роҳбарияти мақомот ва кормандони дастгоҳи он бо намояндагони корпусҳои дипломатии муқими Тоҷикистон, намояндагони созмонҳои байналмилалӣ ва коршиносони байналмилалӣ 4 суҳбату мулоқоти судманд анҷом дода шуд.