Ҳунарпешаи халқии Тоҷикистон Убайдулло Раҷабов дар синни 80-солагӣ аз олам даргузашт

Июль 1, 2021 14:01

ДУШАНБЕ, 01.07.2021 /АМИТ «Ховар»/. Имрӯз дорандаи ордени Ситораи Президенти Тоҷикистон, Ҳунарпешаи халқии Тоҷикистон, барандаи Ҷоизаи давлатии Тоҷикистон ба номи Абуабдулло Рӯдакӣ,  коргардони театр ва синамо, ҳаҷвнигори саршиноси тоҷик, устоди ҳунар, шахсияти бисёр маҳбубу маъруфи Тоҷикистон  Убайдулло Раҷабов дар манзили зисташ дар  шаҳри Душанбе дар синни 80 — солагӣ аз олам даргузашт.

Тавре ба хабарнигори АМИТ «Ховар» директории  Театри намунавии миниатюрии «Оина» Абӯалӣ Муродов иттилоъ дод,  ҷанозаи Убайдулло Раҷабов соати 17:00  доир гардида, дар оромгоҳи Лучоб ба хок супорида мешавад.

Убайдулло Раҷабов 20 марти 1941 дар ноҳияи Данғара таваллуд шудааст. Фаъолияти кории худро дар Театри вилоятии драмаи мусиқии ба номи С. Вализодаи шаҳри Кӯлоб оғоз кардааст (1968-70). Солҳои 1970-89 ҳунарпешаи Театри давлатии академии драмаи тоҷик ба номи А. Лоҳутӣ, 1990—2000 роҳбари бадеии театри намунавии миниатюрии «Оина», 2000—2004 Раиси Кумитаи телевизион ва радиои назди Ҳукумати Ҷумҳурии Тоҷикистон буд. Аз соли 2004 директори кулли Муассисаи давлатии фарҳангию фароғатии «Пойтахт-80» ва роҳбари бадеии театри намунавии миниатюрии «Оина»-ро ба уҳда дошт.

Убайдулло Раҷабов хушбахтарин ҳунарманде буд, ки мардум ӯро дар рӯи саҳна меёбанду мепазиранд ва риштаи ихлосро ба домони ҳунари ӯ мепайвандад. Ба гуфти ҳамкоронаш, ӯ фидоии касби хеш буд ва тамоми ҳастиашро ба рушди  театр ва рӯҳбаландии  тамошобин бахшидааст.

Убайдулло Раҷабов ҳунарро не, балки ҳунар ӯро пайдо кард, ӯ тамошобинро не, тамошобин эшонро ёфт, мавсуф театрро не, баръакс, театр ӯро кашф кард.  Нақшҳои офаридаи мавсуф такрор нашуданист, яъне Убайдулло Раҷаб ҳунарманди нотакрор аст.

АМИТ «Ховар» аз марги  устоди ҳунар, шахсияти маҳбубу маъруфи Тоҷикистон  Убайдулло Раҷаб сахт андӯҳгин буда, ба аҳли оила ва пайвандони марҳум таъзия  баён менамояд.

Июль 1, 2021 14:01

Хабарҳои дигари ин бахш

Шермуҳаммад Шоҳиён: «Миллати шарафманди тоҷик таъриху фарҳанги худро бо ҳамин забон ба ҷаҳониён муаррифӣ кардааст»
МО ХОТИРАИ ӮРО АБАДӢ ПОС ХОҲЕМ ДОШТ. Яке аз тарҷумонҳои касбии Тоҷикистон Мадориф Шарифов даргузашт
«ИСТИҚЛОЛ ВА РУШДИ ЗАБОНИ ДАВЛАТӢ ДАР ҚОНУНГУЗОРӢ». Таҳти чунин унвон дар Душанбе ҳамоиш баргузор шуд
РӮЗИ ЁДБУДИ МАВЛОНО. Таълимоти Ҷалолуддини Балхӣ ҳамзистии осоиштаро тарғиб менамояд
ЭҲДО БА РЎЗИ МАВЛОНО. Пешвои миллат: «Осори Ҷалолуддини Балхӣ дар радифи даҳ китоби сертеъдод ва хонданитарини аҳли олам қарор гирифтааст»
МО БАРОИ ВАСЛ КАРДАН ОМАДЕМ! Пагоҳ дар Душанбе Рӯзи Мавлоно таҷлил мегардад
«МАВЛОНО-МУРШИДИ ВАҲДАТ ВА ГУФТУГӮИ ТАМАДДУНҲО». Дар Душанбе таҳти чунин унвон конфронси байналмилалӣ доир шуд
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
Маросими ифтитоҳи расмии Бозиҳои XVI Делфӣ дар Театри давлатии академии опера ва балети Тоҷикистон доир мегардад
Сафорати Тоҷикистон дар Узбекистон дар Фестивали анъанаҳои фарҳангӣ ва таомҳои миллии намояндагиҳои дипломатӣ дар Тошканд ширкат варзид
Бостоншиносон бори нахуст маданияти моддии Панҷакенти замони Сомониёнро таҳқиқ менамоянд
25 сентябр дар Академияи миллии илмҳо Рӯзи дарҳои кушода гузаронида мешавад