Вобаста ба ҷалби занону духтарон ба хизмати давлатӣ дар баъзе вазорату идораҳо тадбирҳои дахлдор андешида намешаванд

Июль 31, 2021 09:57

ДУШАНБЕ, 31.07.2021 /АМИТ «Ховар»/. 30 июл зимни нишасти матбуотӣ Директори Агентии хизмати давлатии назди Президенти Ҷумҳурии Тоҷикистон Ҷумъа Давлатов иброз дошт, ки дар баъзе вазорату идораҳо, мақомоти иҷроияи ҳокимияти давлатии шаҳру ноҳияҳо вобаста ба ҷалби занону духтарон ба хизмати давлатӣ тадбирҳои дахлдор андешида намешаванд.

Ба гуфтаи мавсуф, Агентии хизмати давлатӣ оид ба масъалаҳои вазъи ҷалби занон ба хизмати давлатӣ, мусоидат ба фарогирии бештари бонувон ба хизмати давлатӣ ва мансабҳои роҳбарикунандаи он мунтазам тадбирҳои мушаххас меандешад.

Дар шашмоҳаи соли 2021 кормандони Агентии хизмати давлатӣ дар 230 ҷаласаи комиссияҳои озмуни мақомоти давлатӣ иштирок намуданд. То 1 июли соли равон шумораи хизматчиёни давлатии шаҳрвандӣ 19176 нафар, теъдоди занҳо 4486 нафар ё 23,4 фоиз, теъдоди ҷавонони то 35-сола 9199 нафар ё 48,0 фоиз, синни миёнаи хизматчии давлатӣ 37,3 солро ташкил медиҳад.

Занон дар хизмати давлатии шаҳрвандӣ дар маҷмўъ 4486 нафар ё 23,4 фоизро ташкил дода, аз 5910 нафар ишғолкунандагони мансабҳои роҳбарикунанда 1148 нафар ё 19,4 фоиз занони роҳбар мебошанд. Теъдоди умумии занон нисбат ба ҳамин давраи соли 2020 131 нафар ва теъдоди занони роҳбар 82 нафар афзоиш дода шудааст.

Теъдоди ҷавонони то 35–сола 9199 нафар (48,0 фоиз)-ро ташкил дода, нисбат ба ҳамин давраи соли гузашта 948 нафар ё 3,6 фоиз афзоиш ёфтааст. Дар мансабҳои роҳбарикунанда  теъдоди  ҷавонони то 35–сола  1582 нафар буда, нисбат ба ҳамин давраи соли 2020 274 нафар зиёд карда шудааст.

 

АКС аз АМИТ «Ховар»

Июль 31, 2021 09:57

Хабарҳои дигари ин бахш

2 август Вазорати молия, Вазорати рушди иқтисод, Агентии содирот нишасти матбуотӣ баргузор менамоянд
Дар шаҳри Бӯстон бинои бахши ҳифзи муҳити зист ифтитоҳ шуд
ОБУ ҲАВО: Имрӯз дар Тоҷикистон ҳаво камабри тағйирёбанда шуда, раъду барқ ба амал меояд
ОБУ ҲАВО: Имрӯз дар Тоҷикистон ҳаво камабр ва тағйирёбанда мешавад
ОБУ ҲАВО: Имрӯз дар Тоҷикистон ҳаво камабри тағйирёбанда мешавад
Дар Вазорати меҳнат, муҳоҷират ва шуғли аҳолии Тоҷикистон 18 лоиҳаи санадҳои меъёрии ҳуқуқӣ таҳия гардиданд
Воридоти сармояи хориҷӣ ба Тоҷикистон нисбат ба ҳамин давраи соли гузашта 99 миллион доллар афзоиш ёфтааст
ОБУ ҲАВО: Имрӯз дар Тоҷикистон ҳаво камабр шуда, чангу ғубор боқӣ мемонад
COVID-19. Дар Тоҷикистон 88 ҳолати нави сирояти коронавирус ба қайд гирифта шуд
Дар Тоҷикистон барои табобати COVID-19 12 ҳазор табиб ва 36 ҳазор ҳамшираи шафқат ҷалб гардидаанд
Корхонаҳои коммуналии шаҳру ноҳияҳои Тоҷикистон ба маблағи беш аз 20 млн сомонӣ корҳои ободонию сабзазоркуниро анҷом доданд
ОБУ ҲАВО: Имрӯз дар Тоҷикистон ҳаво камабр ва тағйирёбанда шуда, чангу ғубор ба амал меояд

Маводҳои таҳлилӣ