ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Шуғнон 78 иншооти таъйиноти гуногун мавриди истифода қарор гирифтанд
ДУШАНБЕ, 17.08.2021 /АМИТ«Ховар»/. Бахшида ба ҷашни 30-солагии Истиқлоли давлатии Ҷумҳурии Тоҷикистон дар ҳудуди ноҳияи Шуғнони Вилояти Мухтори Кӯҳистони Бадахшон бунёди 87 иншоот ба нақша гирифта шуда, 78 иншооти гуногуни зарурӣ мавриди истифода қарор дода шуданд. Дар дигар иншооти ҷашнӣ айни ҳол корҳои сохтмонӣ бомаром идома дошта, корҳои банду васлнамоӣ ва ороишӣ дар аксарият ифрасохтор ба итмом расонида шудаанд.
Тавре АМИТ “Ховар” бо истинод ба мақомоти иҷроияи ҳокимияти давлатии ноҳияи Шуғнон иттилоъ медиҳад, ин матлаб имрӯз дар ҷаласаи навбатии назди раиси ноҳияи Шуғнон Ҷумъа Ҷумъазода оид ба омодагӣ ба ҷашни 30-солагии Истиқлолияти давлатии Ҷумҳурии Тоҷикистон иброз карда шуд.
Дар кори ҷаласа роҳбарони ташкилоту муассисаҳо ва фаъолони ноҳия иштирок намуданд.
Зимни баргузории ҷаласаи корӣ масъалаи омодагӣ ба ҷашни 30 – солагии Истиқлолияти давлатӣ мавриди баррасӣ қарор гирифт.
Ҳамзамон дар кори ҷаласа вусъати корҳои сохтмонӣ, ҷамъбаст ва татбиқи барномаҳои пешбинишуда ва дигар масъалаҳо, аз ҷумла омодагӣ ба даъвати ҳарбӣ баррасӣ шуданд.
Вобаста ба бартараф намудани камбудиҳо ва то охири моҳи августи имсол иҷро намудани корҳои банақшагирифта ба масъулин дастуру супоришҳои мушаххас дода шуданд.
АКСҲО аз МИҲД-и н. Шуғнон
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
