ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Суғд корҳои барқарорсозии Қалъаи Хуҷанд ҷараён доранд
ДУШАНБЕ, 10.08.2021 /АМИТ «Ховар»/. Дар доираи омодагиҳо ба истиқболи 30-солагии Истиқлоли давлатии Ҷумҳурии Тоҷикистон дар маркази вилояти Суғд таҷдиду барқарорсозии Қалъаи Хуҷанд ҷараён дорад. Дар ин бора аз Хадамоти матбуоти Раиси вилояти Суғд ба АМИТ «Ховар» хабар доданд.
Азнавсозии қалъа ва бунёди иншооти зарурӣ дар ҳудуди он бо риояи унсурҳои қадимӣ ва санъати меъмории миллӣ бо дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сурат мегирад.
Раиси вилояти Суғд Раҷаббой Аҳмадзода бо рафти корҳои барқарорсозӣ ва бунёди иншоот дар Қалъаи Хуҷанд шинос шуда, барои суръатбахшии корҳо ба масъулин супоришҳо дод.
Тавре иттилоъ дода шуд, бо мақсади ҳифзи мероси фарҳангӣ айни замон бо ҷалби устоҳову ҳунармандони номии вилоят, меъморону гаҷкорон, рассомону кандакорон корҳо дар авҷ буда, ҳамзамон аз минтақаи Риштони вилояти Фарғона низ ҳунармандон ҷалб гардидаанд.
Мавриди зикр аст, ки Қалъаи Хуҷанд дар тӯли садсолаҳо ҳамчун рамзи мардонагиву диловарӣ ва хештаншиносиву ватандӯстии тоҷикон ном бароварда, дар ҳифзи озодӣ ва ҳаёти осоиштаи мардуми ин қаламрав ҳамчун истеҳкоми боэътимод нақши муассир бозидааст. Ҳифзу барқарорсозии ин ёдгории таърихӣ барои муаррифии таъриху фарҳанг ва маданияти миллати тоҷик амри зарурӣ мебошад.
Сипас, Раиси вилоят ба корҳои азнавсозии Театри давлатии мазҳакаи мусиқии ба номи Камоли Хуҷандӣ ошно шуда, баҳри бо сифати баланд ба иҷро расонидани корҳо тавсияҳо дод.
Бинои театр солҳои 60-уми асри гузашта сохта шуда, дорои 530 ҷойи нишаст мебошад ва он ҳамакнун бо дастгирии мақомоти иҷроияи ҳокимияти давлатии вилоят навсозӣ карда мешавад. Дар театр беш аз 150 корманди эҷодию техникӣ фаъолият доранд ва дар он 63 утоқи корӣ ва хоҷагӣ вуҷуд дорад.
АКС аз Хадамоти матбуоти Раиси вилояти Суғд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
