Аксияҳои «Тозагии маҳал» ва « Тозагии соҳил» дар куҷо гузаронида шуданд? Суратгузориш аз партовҳои дарёча ва канали ноҳияи Рӯдакӣ
РӮДАКӢ, 22.08.2021 /АМИТ «Ховар»/. Мутаассифона, имрӯзҳо дар арафаи ҷашни бузурги таърихии 30- солагии Истиқлоли давлатӣ, оғози соли нави таҳсил ва хуруҷи бемориҳои сироятӣ селпартои Бачамазор ё дарёчаи маркази ноҳияи Рӯдакӣ, инчунин каналу ҷӯйборҳои маркази ноҳия аз сабаби беаҳамиятии масъулини соҳа пур аз алафҳои бегонаю партовҳои истеъмолии пластикию полиэтиленӣ ва ғарами партовҳо гардидаанд.
Тозагию нафосат, поку озода намудани маҳали зист ва назди соҳил, тарғиби тарзи ҳаёти солим ва ободу хуррамгардонии диёри хеш яке аз самтҳои асосии сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.
Дар ҳама ҳолат муҳимтарин вазифаи инсоният- ин ҳифзи муҳити зист ба ҳисоб рафта, имрӯз ҳам амалисозии ин самти сиёсати давлат метавонад омили муҳими пешгирӣ аз пайдоиши ҳама гуна бемориҳои сироятӣ бошад.
Ҳарчанд шуъбаи ҳифзи муҳити зисти ноҳияи Рӯдакӣ дар 7 моҳи соли равон ҳисобот пешниҳод намудааст, ки бахшида ба таҷлили сазовори ҷашни 30-солагии Истиқлоли давлатӣ ва Даҳсолаи байналмилалии амал «Об барои рушди устувор, солҳои 2018-2028» аксияҳои «Тозагии соҳил», «Тозагии маҳал» ва ҳашарҳои дастҷамъона гузаронидааст, вале ин аксҳо исбот менамоянд, ки моҳҳо боз ин каналу дарёча аз партовҳо тоза нашуда, дар инҷо нисбат ба баланд бардоштани маърифати экологии аҳолии маркази ноҳия ягон нафар аҳамият намедиҳад.
Аз ин рӯ хабарнигори минтақавии АМИТ «Ховар» Субҳониддини Маҳмуд баҳри таъмини амнияти саломатии сокинону меҳмонони ноҳияи Рӯдакӣ ва риояи қоидаҳои санитарию гигиенӣ аксҳои дирӯз гирифтаи худро аз як қисмати ин каналу дарёча, ки аз маркази ноҳия мегузарад, пешкаши масъулини соҳа мегардонад, то роҳбарияти Маркази ташхиси санитарию эпидемиологии ноҳияи Рӯдакӣ, шуъбаи ҳифзи муҳити зисти ноҳия, роҳбарияти корхонаи Хоҷагии манзилию коммуналии ноҳия ва муовинони раиси ноҳияи Рӯдакӣ масъулият эҳсос намоянд.
Хуб мешуд, бо мақсади беҳдошти муҳити зист ва таъмини амнияти экологии аҳолӣ дар ноҳия ин навбат воқеан ҳам аксияҳои «Тозагии маҳал» ва « Тозагии соҳил» гузаронида, ҷӯйборҳо ва каналу дарёчаи маркази ноҳияро аз партовҳо тоза намоянд. Масъулини ноҳия бояд дарк намоянд, ки моро дар пеш ҷашни бузурги миллӣ — 30-солагии Истиқлоли давлатӣ интизор аст.
АКСҲО аз АМИТ «Ховар»
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
