Ба сокини шаҳри Кӯлоб калиди хонаи нави истиқоматӣ тақдим гардид
КӮЛОБ, 06.08.2021. /АМИТ «Ховар»/. Дар шаҳри Кӯлоб бо иштироки муовини аввали раиси вилояти Хатлон Амонулло Салимзода манзили истиқоматии сокини кӯчаи Даминзода Қиматгул Менгиёрова мавриди истифода қарор дода шуд. Ин шаҳрванд калиди хонаи истиқоматиро аз дасти муовини аввали раиси вилояти Хатлон гирифта, изҳори сипос намуд.
Тавре мухбири минтақавии АМИТ «Ховар» иттилоъ медиҳад, манзили истиқоматии мазкур аз ҷониби шабакаҳои барқии Кӯлоб дар муҳлати муайянгардида ва бо сифати баланд сохта шудааст.
Вобаста ба дастури Президенти мамлакат муҳтарам Эмомалӣ Раҳмон манзили истиқоматӣ бо тамоми ҷиҳозу лавозимоти зарурӣ муҷаҳҳаз гардонида шуд. Қиматгул Менгиёрова миннатдории хешро ба Асосгузори сулҳу ваҳдати миллӣ, Президенти Ҷумҳурии Тоҷикистон муҳтарам Эмомалӣ Раҳмон, раиси вилояти Хатлон ва кормандони шабакаҳои барқи Кӯлоб расонида, иброз дошт, ки «баъди омадани сел ва пурра валангор шудани хона хеле дилмонда ва маъюс гардида будем. Вале ин ҳама мушкилот паси сар шуд ва бо дастгирии Президенти маҳбубамон дар муддати кӯтоҳ барои мо хонаи нав сохтанд. Аз сӯзану ришта сар карда, тамоми ҷиҳози хонаро фароҳам оварданд. Худованд ба Роҳбари давлат ва онҳое, ки сиёсати пешгирифтаи Президентро дастгирӣ мекунанд, умри дарозу ризқи фарох диҳад».
Хотиррасон мешавем, ки бар асари офати табиии 12 май ба вуқӯъ пайваста дар шаҳри Кӯлоб садҳо оила хисорот дида, 43 манзили истиқоматӣ пурра валангор шуданд. Айни замон бо ҷалби ташкилоту идора ва соҳибкорон сохтмони хонаҳои истиқоматӣ идома дошта, то ҷашни 30-солагии Истиқлоли давлатии Ҷумҳурии Тоҷикистон мавриди истифода қарор дода мешаванд.
АКС аз АМИТ «Ховар»
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
