Дар Душанбе ҷаласаи шашуми вазирони кишоварзии кишварҳои узви СҲШ доир шуд
ДУШАНБЕ, 13.08.2021 /АМИТ «Ховар»/. 12 август дар Душанбе дар асоси нақшаи чорабиниҳои асосии раёсати Ҳукумати Ҷумҳурии Тоҷикистон дар СҲШ барои солҳои 2020-2021 ҷаласаи шашуми вазирони кишоварзии кишварҳои узви Созмони ҳамкории Шанхай (СҲШ) тариқи маҷозӣ баргузор гардид. Дар ин бора ба АМИТ «Ховар» аз Раёсати байналмилалии Вазорати кишоварзии Ҷумҳурии Тоҷикистон иттилоъ доданд.
Дар ҷаласа роҳбарони сохторҳои амнияти озуқаворӣ, байторӣ, фитосанитарӣ ва карантинии растанӣ тариқи онлайн иштирок намуданд.
Дар ҷаласаи мазкур масъалаҳои ҳолати амнияти бехатарии озуқаворӣ дар давраи бемории ҳамагири СОVID-19, дастгирии лоиҳаи муштараки сарони кишварҳои узви СҲШ оид ба таъмини бехатарии озуқаворӣ, тасдиқи Консепсияи таъсиси пойгоҳи намоишии СҲШ оид ба мубодила ва омӯзиши технологияҳои кишоварзӣ ва тасдиқи Нақшаи иҷрои амалии ёддошти тафоҳум байни ниҳодҳои ваколатдори кишварҳои узви СҲШ оид ба ҳамкории техникӣ дар соҳаи пешгирии муштарак ва назорати бемориҳои эпизоотии фаромарзӣ баррасӣ гардиданд.
Ҳамчунин зикр гардид, ки пандемия ба системаҳои озуқаворӣ дар саросари ҷаҳон, аз ҷумла дар минтақаи СҲШ, таъсир расонид. Аз ин рӯ Ҳукумати Ҷумҳурии Тоҷикистон барои коҳиш додани таъсири манфиӣ баъзе чораҳоро андешида, барои пурра таъмин намудани амнияти озуқаворӣ ба кишоварзон имтиёзҳо пешбини гардидааст.
Дар ҷараёни мулоқот роҳбарони ҳайатҳо Консепсияи таъсиси пойгоҳи намоишии СҲШ оид ба мубодила ва омӯзиши технологияҳои кишоварзиро тасдиқ намуда, нашри онро дар самтҳои мутақобилан мувофиқи принсипҳои ихтиёрӣ ва баробарӣ истиқбол карданд.
АКСҲО: АМИТ «Ховар»
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
