Дар Осорхонаи миллии Тоҷикистон то 1 сентябр 600 адад намунаҳои гуногуни либосҳои миллӣ пешниҳод мегарданд
ДУШАНБЕ, 14.08.2021 /АМИТ «Ховар»/. 13 август дар Осорхонаи миллии Тоҷикистон бахшида ба ҷашни 30-солагии Истиқлолияти давлатии Ҷумҳурии Тоҷикистон ва «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021 намоиш ва конфронси илмӣ–назариявӣ таҳти унвони «Либоси миллӣ– ёдгоре аз ниёгон» баргузор гардид, ки намоиши мазкур то 1 сентябр идома меёбад.
Тавре сардори шуъбаи экскурсионӣ ва оммавии Осорхонаи миллии Тоҷикистон Кенҷаев Фаридун ба хабарнигори АМИТ «Ховар» иттилоъ дод, ки дар ифтитоҳи намоиш роҳбарият ва кормандони Осорхонаи миллии Тоҷикистон, намояндагони Вазорати фарҳанги Ҷумҳурии Тоҷикистон, Кумитаи рушди сайёҳии назди ҳукумати Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Академияи миллии илмҳои Тоҷикистон, Донишгоҳи миллии Тоҷикистон, Донишкадаи давлатии санъати тасвирӣ ва дизайни Тоҷикистон, Осорхонаи Гимеи шаҳри Парижи Фаронса, Осорхонаи мардумшиносии АМИТ ва дигар олимону донишмандони соҳа иштирок намуданд.
Директори Осорхонаи миллии Тоҷкистон Аҳлиддин Ибодуллозода дар зикр намуд, ки миллати куҳанбунёди тоҷик дар тӯли таърихи тамаддуни башарӣ ҳамчун миллати фарҳангсолору фарҳангсоз муаррифӣ гардида, дар ганҷинаи фарҳанг ва тамаддуни башарият бо забону адабиёт, урфу одат, расму оин ва анъанаҳои некаш шинохта шудааст. Яке аз арзишҳои асосии таҷассумгари фарҳанги миллӣ, ҳуввияти миллӣ ва ифтихори миллии халқи тоҷик – ин либоси миллӣ ба шумор меравад.
Дар намоиш аз фонди Осорхонаи миллии Тоҷикистон зиёда аз 600 адад намунаҳои гуногуни либоси миллии тоҷикон аз қабили куртаҳои чакан, атлас, адрас, поҷома, сарбанд, рӯймол, миёнбанд, фаранҷӣ, матоҳои читӣ, шерозаҳо, тумордонҳо, каллапӯшу кулоҳ, тоқиҳо, пояфзолҳо, кафши чӯбину чармин, маҳсӣ ва дигар ашёҳои ороишу зебу зинати миллӣ (ороишоти занона: ангуштарин, дастмона, қулфи гиребон, гӯшвор, тоҷ), ки инъикосгари таъриху фарҳанг, расмуоин ва ҳунарҳои мардумии ниёгони тоҷикон мебошанд, ба маърази тамошо гузошта шудаанд.
Дар кори конфронси илмӣ–назариявӣ доираи васеъи олимон, муаррихон ва муҳаққиқон доир ба таъриху пайдоиш, ташаккулёбӣ ва дигар вижагиҳои хоси либоси миллӣ бо маърӯзаҳои илмии баромад намуданд.
АКСҲО аз Осорхонаи миллии Тоҷикистон
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
Роҳи ҷумҳуриявии Душанбе-Шарора-Ҳисор пурра мумфарш карда шуд
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
