Дар шаҳри Бӯстон бинои бахши ҳифзи муҳити зист ифтитоҳ шуд

Август 1, 2021 11:26

ДУШАНБЕ, 01.08.2021 /АМИТ «Ховар»/. Дар шаҳри Бӯстони вилояти Суғд бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва Раиси вилояти Суғд Раҷаббой Аҳмадзода бинои нави бахши ҳифзи муҳити зист ифтитоҳ гардид. Дар ин хусус аз Кумитаи ҳифзи муҳити зисти назди Ҳукумати ҷумҳурӣ ба АМИТ «Ховар» иттилоъ доданд.

Бинои бахш аз се ошёна иборат буда, дар ошёнаи якум маҷлисгоҳ, китобхона ва утоқи таҷҳизоти назорати аналитикӣ ҷойгир шудаанд. Маҷлисгоҳ бо 52 ҷойи нишаст, китобхона барои 1000 адад китоби адабиёти гуногун ва бо компютер таҷҳизонида шудааст, ки дар он китобхонаи электронӣ насб гардидааст.

Утоқи таҷҳизоти назорати аналитикӣ бо 8 адад дастгоҳ барои ченкунии сифати ҳавои атмосфера, об, хок ва радиатсия ҷиҳати гузаронидани мониторинги экологӣ истифода карда мешавад.

Дар ошёнаи дуюм – қабулгоҳ, утоқи кории мудири бахш ва сармутахассис, ҳамчунин ду адад утоқи корӣ барои мутахассисон ва бойгонӣ ҷойгир мебошанд.

Ҳамаи ин утоқҳои корӣ бо лавозимоти зарурӣ барои фаъолияти мутахассисон, аз ҷумла 4 адад компютер ва принтер таҷҳизонида шудаанд.

Ошёнаи сеюм барои кормандони мақомоти ҳифзи муҳити зист чун меҳмонхона хизмат намуда, аз чор ҳуҷра иборат мебошад.

 

 

АКС: Кумитаи ҳифзи муҳити зисти назди Ҳукумати ҷумҳурӣ

Август 1, 2021 11:26

Хабарҳои дигари ин бахш

2 август Вазорати молия, Вазорати рушди иқтисод, Агентии содирот нишасти матбуотӣ баргузор менамоянд
Вобаста ба ҷалби занону духтарон ба хизмати давлатӣ дар баъзе вазорату идораҳо тадбирҳои дахлдор андешида намешаванд
ОБУ ҲАВО: Имрӯз дар Тоҷикистон ҳаво камабри тағйирёбанда шуда, раъду барқ ба амал меояд
ОБУ ҲАВО: Имрӯз дар Тоҷикистон ҳаво камабр ва тағйирёбанда мешавад
ОБУ ҲАВО: Имрӯз дар Тоҷикистон ҳаво камабри тағйирёбанда мешавад
Дар Вазорати меҳнат, муҳоҷират ва шуғли аҳолии Тоҷикистон 18 лоиҳаи санадҳои меъёрии ҳуқуқӣ таҳия гардиданд
Воридоти сармояи хориҷӣ ба Тоҷикистон нисбат ба ҳамин давраи соли гузашта 99 миллион доллар афзоиш ёфтааст
ОБУ ҲАВО: Имрӯз дар Тоҷикистон ҳаво камабр шуда, чангу ғубор боқӣ мемонад
COVID-19. Дар Тоҷикистон 88 ҳолати нави сирояти коронавирус ба қайд гирифта шуд
Дар Тоҷикистон барои табобати COVID-19 12 ҳазор табиб ва 36 ҳазор ҳамшираи шафқат ҷалб гардидаанд
Корхонаҳои коммуналии шаҳру ноҳияҳои Тоҷикистон ба маблағи беш аз 20 млн сомонӣ корҳои ободонию сабзазоркуниро анҷом доданд
ОБУ ҲАВО: Имрӯз дар Тоҷикистон ҳаво камабр ва тағйирёбанда шуда, чангу ғубор ба амал меояд

Маводҳои таҳлилӣ