Дар Суғд беш аз 23 ҳазор нафар дар аксияҳои «Тозагии маҳал» ва «Тозагии соҳил» иштирок намуданд
ДУШАНБЕ, 23.08.2021 /АМИТ «Ховар»/. Бо иқдоми Раёсати ҳифзи муҳити зисти вилояти Суғд дар аксияҳои «Тозагии маҳал» ва «Тозагии соҳил», ки дар миқёси вилоят доир шуданд, беш аз 23 ҳазор нафар кормандони ҷомеаҳои меҳнатии корхонаҳо, ташкилоту муассиса, хоҷагиҳо ва шаҳрвандон фаъолона иштирок намуданд, хабар додааст АМИТ “Ховар” бо истинод ба Хадамоти матбуоти Раиси вилояти Суғд.
Дар ҷараёни аксияҳо корҳои тоза намудани ҷӯйбор, заҳбуру заҳкаш — 25,3 км, қадди роҳҳо аз партовҳо — 53,7 км, заҳбуру каналҳо — 300 м, таъмири роҳравҳо — 3 км, сафед намудани дарахтон — 1236 бех, тоза намудани майдонҳо — 4 км амалӣ гардида, 126,4 метри мукааб хошоку ифлосиҳо ба партовгоҳҳои расмӣ бароварда шуданд.
Мавриди зикр аст, ки дар доираи нақшаи чорабиниҳо оид ба омодагӣ ва таҷлили 30-солагии Истиқлоли давлатии Ҷумҳурии Тоҷикистон дар миқёси шаҳру ноҳияҳои вилояти Суғд аксияҳои гуногуни экологии оммавӣ идома доранд.
АКС: Хадамоти матбуоти Раиси в. Суғд
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
