Донишҷӯёни Донишкадаи давлатии забонҳои Тоҷикистон ба даври шаҳрии озмуни «Фурӯғи субҳи доноӣ китоб аст» роҳ ёфтанд

ДУШАНБЕ, 30.08.2021 /АМИТ «Ховар»/. Даври ноҳиявии Озмуни ҷумҳуриявии “Фурӯғи субҳи доноӣ китоб аст” бахшида ба 30-солагии Истиқлоли давлатии Ҷумҳурии Тоҷикистон дар ноҳияи Синои шаҳри Душанбе ҷамъбаст гардид, ки дар он донишҷӯёни Донишкадаи давлатии забонҳои Тоҷикистон ба номи Сотим Улуғзода дар номинаҳои “адабиёти ҷаҳон”, “адабиёти муосир”, “адабиёти кӯдакону наврасон ва осори шифоҳӣ” ва “адабиёти классикӣ” соҳиби ҷойҳои намоён гардиданд.

Тавре АМИТ “Ховар” бо истинод ба Донишкадаи давлатии забонҳои Тоҷикистон ба номи Сотим Улуғзода хабар медиҳад, дар даври дуюми озмуни “Фурӯғи субҳи доноӣ китоб аст” имсол аз донишкада 7 нафар донишҷӯ аз номинаҳои гуногун сазовори ҷойҳои якум, дуюм ва сеюм гардида, барои иштирок ба даври шаҳрии озмун роҳ ёфтанд.

Аз номинаи адабиёти ҷаҳон Зуҳро Наврӯззода, донишҷӯйи курси 4-уми факултаи забонҳои Аврупо ҷойи якум, Шаҳзод Қаюмов, донишҷӯйи курси 4-уми факултаи филологияи тоҷик ва Аллома Собирова, донишҷӯйи курси 3-юми факултаи забони англисӣ ҷойи дуюм ва Холида Холова, донишҷӯйи курси 3-юми факултаи филологияи рус сазовори ҷойи сеюм гардиданд.

Аз номинаи адабиёти кӯдакону наврасон ва осори шифоҳӣ донишҷӯйи курси 4-уми факултаи забонҳои Аврупо Шарифа Фидоматова сазовори ҷойи аввал шуд. Ҳамзамон Нилуфари Абдурасул, донишҷӯйи курси 3-юми факултаи филологияи тоҷик дар номинаи адабиёти классикӣ сазовори ҷойи дуюм гардид.

Дар номинаи адабиёти муосир Ҷумъабой Асилов, донишҷӯйи курси 2-юми факултаи забонҳои Аврупо сазовори ҷойи сеюм шуд.

АКСҲО аз ДДЗТ ба номи Сотим Улуғзода