Муовини аввали Сарвазири мамлакат ба кормандони Бонки миллӣ мукофотҳои давлатиро тақдим намуд
ДУШАНБЕ, 30.08.2021 /АМИТ «Ховар»/. Дар Бонки миллии Тоҷикистон бо иштироки муовини якуми Сарвазири Ҷумҳурии Тоҷикистон Давлаталӣ Саид барои тақдими мукофотҳои давлатӣ ҷаласаи тантанавӣ баргузор гардид, хабар медиҳад Бонки миллии Тоҷикистон.
Раиси Бонки миллии Тоҷикистон Ҳоким Ҳолиқзода зимни ифтитоҳи ҷаласа ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои қадршиносии заҳматҳои кормандони Бонки миллии Тоҷикистон миннатдорӣ баён намуда, иброз дошт, ки дар ҷавоб ба ғамхориҳои Сарвари давлат минбаъд кормандони БМТ неруву тавони худро баҳри рушди низоми бонкии кишвар равона хоҳанд кард.
Сипас муовини якуми Сарвазири мамлакат Давлаталӣ Саид дар арафаи таҷлили ҷашни 30-солагии Истиқлоли давлатии Ҷумҳурии Тоҷикистон ба директори департаменти назорати бонкӣ Фирӯз Шарипов, сардори идораи омор ва тавозуни пардохт Бахтиёр Баҳриддинов ва сардори идораи ҳимояи ҳуқуқҳои истеъмолкунандагони хизматрасониҳои молиявӣ Улуғбек Бозоров барои фаъолияти самараноку дастовардҳои баланди истеҳсолӣ медали «Хизмати шоиста» тақдим ва ба котиби раёсати Бонки миллии Тоҷикистон Гулнора Саломзода барои хизматҳои софдилона ва пурсамар «Ифтихорнома»-и Ҷумҳурии Тоҷикистонро супорид.
Ҳамчунин имрӯз аз ҷониби Сарвазири Ҷумҳурии Тоҷикистон Қоҳир Расулзода ба сардори шуъбаи сохтмони Бонки миллии Тоҷикистон Насим Муҳаббатов медали ҷашнии «30-солагии Истиқлолияти давлатии Ҷумҳурии Тоҷикистон» тақдим гардид.
Муовини якуми Сарвазири мамлакат Давлаталӣ Саид зимни тақдими мукофотҳои давлатӣ таъкид намуд, ки давоми солҳои охир низоми бонкии кишвар бомарому устувор рушд намуда истодааст ва сарфароз гардидани кормандони Бонки миллии Тоҷикистон бо мукофотҳои давлатӣ далели қадршиносии роҳбарияти мамлакат аз заҳматҳову талошҳои онҳо ҷиҳати рушди соҳа, таҳлилу пешниҳодҳои муфид, татбиқи ислоҳот дар низом ва рушди иқтисодиёти кишвар мебошад.
Аксҳо аз БМТ
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
ҚУРБИ АСЪОР: 1 евро аз 10.1500 то 10.3281 сомонӣ муқаррар шудааст
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
