Муовинони Вазири тандурустӣ бо ҷараёни табобати гирифторони COVID-19 шинос шуданд
ДУШАНБЕ, 06.08.2021 /АМИТ «Ховар»/. 5 август муовинони Вазири тандурустӣ ва ҳифзи иҷтимоии аҳолии Ҷумҳурии Тоҷикистон — Шодихон Ҷамшед аз бинои 6-уми Маркази миллии тиббии «Шифобахш» ва Зулфия Абдусаматзода аз Беморхонаи клиникии шаҳрии бемориҳои сироятии шаҳри Душанбе дидан намуданд.
Тавре аз маркази матбуоти Вазорати тандурустӣ ва ҳифзи иҷтмоии аҳолии мамлакат ба АМИТ «Ховар» иттилоъ доданд, мақсади боздид назорати хизматрасонии тиббӣ ба гирифторони сирояти COVID-19 ва шиносоӣ бо вазъи муассисаҳои тандурустӣ мебошад.
Муовинони вазир зимни боздид бо шароити муассиса ва ҷараёни хизматрасонии тиббӣ шинос шуданд.
Зикр гардид, ки дар ин ҷо гирифторони бемории коронавирус ба таври шабонарӯзӣ таҳти назорати табибон қарор дошта, духтурон баҳри наҷоти ҷони онҳо тамоми кӯшишу талоши хешро равона намудаанд.
Дар муассисаҳои тандурустие, ки дар онҳо гирифторони бемории коронавируси нави COVID-19 бистарӣ шудаанд, шароит ва имконоти мусоид фароҳам оварда шуда, табибон ба таври шабонарӯзӣ фаъолият менамоянд.
Махсусан дар чунин муассисаҳо дастгоҳҳои нафасдиҳии сунъӣ ва дигар маводу таҷҳизоти тиббӣ дастрас мебошанд.
Зимни боздид муовинони Вазири тандурустӣ ва ҳифзи иҷтимоии аҳолии мамлакат бо пайвандони беморон, ки берун аз беморхонаҳо қарор доштанд, суҳбати озоду ошкоро анҷом дода, иброз доштанд, ки Ҳукумати мамлакат баҳри табобати гирифторони ин беморӣ тамоми тадбирҳои заруриро меандешад.
АКСҲО аз Вазорати тандурустӣ ва ҳифзи иҷтмоии аҳолии ҶТ
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
Масъалаи дастрасии аҳолии минтақаҳои дурдаст ба кумаки аввалияи тиббию санитарӣ баррасӣ шуд
Неругоҳҳои барқи обии «Норак» ва «Бойғозӣ» барои гузаронидани мавсими сармо омода мебошанд
Дар Душанбе нахустин Анҷумани саратоншиносон ва радиологҳои Тоҷикистон доир шуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Дар Душанбе иди бостонӣ ва миллии мо-Меҳргон бо шаҳомати хосса доир мегардад
Намояндагони Суди Олии Тоҷикистон дар Форуми байналмилалии судяҳо оид ба моликияти зеҳнӣ иштирок намуданд
