«Ояндаи бидуни пластик». Таҳти чунин унвон дар Хуҷанд ҳамоиши экологӣ доир шуд
ДУШАНБЕ, 06.08.2021 /АМИТ «Ховар»/. «Ояндаи бидуни пластик» — таҳти чунин унвон дар шаҳри Хуҷанд бо иштироки намояндагону кормандони созмонҳои ҷамъиятӣ, мағозаҳои калони хӯроквории шаҳру ноҳияи Хуҷанд, Истаравшан, Бобоҷон Ғафуров, коргоҳи коркарди дубораи партовҳои пластикии «Тоҷпет» ва кормандони мақомоти ҳифзи муҳити зист ҳамоиш доир гардид. Дар ин бора ба АМИТ «Ховар» аз Кумитаи ҳифзи муҳити зисти назди Ҳукумати ҷумҳурӣ иттилоъ доданд.
Зикр шуд, ки таъсири партовҳои пластикӣ ба муҳити зист муаммои экологии даҳсолаи охир дар ҷаҳон ба шумор рафта, дар айни замон хусусияти глобалӣ пайдо кардааст.
Дар ҷараёни ҳамоиш қадамҳои нахустин дар роҳи иваз кардани халтаҳои полиэтиленӣ ба халтаҳои аз лиҳози экологӣ тоза ва дастгирии истеҳсолоти хурд барои баланд бардоштани сатҳи зиндагии гурӯҳҳои осебпазири аҳолӣ, таъсири партовҳои пластикӣ ба муҳити зист, аҳамияти коркарди такрории партовҳои пластикӣ ва дигар масъалаҳое, ки ба бехатарӣ ва амнияти экологии инсон, беҳтар намудани сифати зиндагӣ ва пешгирии роҳҳои ифлосшавии муҳити зист равона гардидаанд, баррасӣ шуданд.
Ҳамоиши мазкур яке аз роҳҳои иҷрои талаботи бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» буда, дар ҷараёни он масъалаҳои баланд бардоштани маърифати экологии аҳолӣ ва рушди тарбияи наврасону ҷавонон муҳокима гардиданд.
Акс аз Кумитаи ҳифзи муҳити зисти нази Ҳукумати ҷумҳурӣ
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
