Сергей Лавров: Афғонистон дар нишастҳои СААД ва СҲШ дар Душанбе ба мавзӯи «доғи рӯз» табдил хоҳад ёфт
ДУШАНБЕ, 25.08.2021/АМИТ «Ховар»/. Вазъият дар Афғонистон мавзӯи асосии нишастҳои қарибулвуқӯи СААД ва СҲШ дар миёнаҳои моҳи сентябр дар Душанбе хоҳад шуд. Тавре АМИТ «Ховар» бо истинод ба агентии иттилоотии русии Sputnik хабар медиҳад, дар ин бора вазири корҳои хориҷии Русия Сергей Лавров дирӯз, 24 август зимни нишасти матбуотӣ дар Маҷористон хабар дод.
«Маълум аст, ки мавзӯи Афғонистон ва оқибатҳое, ки ҳоло ҳамсояҳо ва кишварҳои дигар дар натиҷаи амалҳои Амрико аз сар мегузаронанду бо ҳеҷ кас ҳамоҳанг нашудаанд, дар маркази таваҷҷуҳ қарор хоҳанд гирифт», -гуфт Лавров.
Вазири корҳои хориҷии Русия ҳамчунин гуфт, ки Русия омода аст дар барномаи Шӯрои Амнияти СММ вазъ дар Афғонистонро баррасӣ кунад. Лавров афзуд, ки Русия кори Шӯрои Амниятро манъ карданӣ нест.
«Дар Ню -Йорк онҳо пешниҳод мекунанд, ки ҷаласаи пурраи Шӯрои амният даъват карда шавад, яъне бо аъзои ғайридоимӣ, мо низ ба ин омодаем. Муҳим он аст, ки гуфтугӯҳо дар ин гуна шаклҳо набояд ба кӯшиши таблиғи ин ё он амали онҳо бахшида шавад, балки ба фаҳмидани воқеият дар рӯи замин равона гарданд»-иброз дошт ӯ.
Вазир зикр кард, ки ҳама баҳсҳо бояд ба таҳияи равишҳое равона карда шаванд, ки ба дастёбӣ ба созишҳо миёни «Толибон» ва боқимондаи неруҳои сиёсии Афғонистон мусоидат кунанд.
Ёдовар мешавем, ки нишастҳои СААД ва СҲШ таҳти раёсати Тоҷикистон 16-17 сентябри соли 2021 дар Душанбе баргузор мешаванд.
АКС аз бойгонии АМИТ «Ховар»
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
