Ширкати туркии «Иргелер» тасмим дорад дар вилояти Суғд боғи интенсивӣ бунёд намояд
ДУШАНБЕ, 10.08.2021 /НИАТ «Ховар»/. Ширкати туркии «Иргелер» тасмим дорад дар вилояти Суғд 100 гектар боғи интенсивӣ бунёд намояд. Дар ин бора зимни мулоқоти Раиси вилояти Суғд Раҷаббой Аҳмадзода бо намояндагони ширкати «Иргелер»-и Ҷумҳурии Туркия гуфта шуд.
Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, зимни суҳбат ҷонибҳо вобаста ба тақвияти ҳамкорӣ ва истифодаи дастовардҳои замони муосир дар самти бунёди боғҳои интенсивӣ мубодилаи афкор намуданд.
Раиси вилоят таъкид кард, ки дар рушди соҳаи кишоварзӣ саҳми боғу токпарварони шаҳру ноҳияҳои вилоят назаррас мебошад. Таваҷҷуҳи хоссаи Ҳукумати Ҷумҳурии Тоҷикистон баҳри рушди соҳаи боғу токпарварӣ ба рушду такомули соҳа заминаи мусоид фароҳам овард. Аз ҷумла, ҷиҳати васеъ намудани майдонҳои боғот барномаҳои махсуси давлатӣ қабул гардида, танҳо дар солҳои 2016-2020 зиёда аз 4800 гектар боғу токзорҳои нав бунёд карда шуданд. Инчунин бо дастгириҳои давлатӣ технологияҳои наву замонавӣ ворид карда шуда, боғҳои интенсивӣ ташкил гардида истодааст.
Дар навбати худ, намояндагони ширкати туркии «Иргелер» иттилоъ доданд, ки тасмим доранд дар ҳамкорӣ бо соҳибкорони тоҷик ниҳолҳои серҳосилро ворид карда, дар ҳудуди вилоят 100 гектар боғи интенсивӣ бунёд намоянд.
Ҷонибҳо бо баррасии масъалаҳои мавриди назар барои густариши ҳамкорӣ омодагии худро изҳор доштанд.
АКС аз Хадамоти матбуоти Раиси вилояти Суғд
РУШДИ САНОАТ. Дар шаҳри Истиқлол сохтмони корхонаи истеҳсоли оҳаксанг ва хокаи оҳак идома дорад
Ҷамъияти дорои масъулияти маҳдуди «Хоҷамастон» дар як рӯз то 700 дона хишт истеҳсол менамояд
Дар Суғд неругоҳи барқи офтобӣ бо иқтидори умумии 500 МВт сохта мешавад
ИҚТИСОДИ РАҚАМӢ ВА ИННОВАТСИЯ. Истифодаи самараноки технологияҳои иттилоотӣ омили муҳими пешрафти китобхонаҳо аст
ИСТИФОДАИ САМАРАНОКИ ЗАМИН. Кишоварзони ноҳияи Абдураҳмони Ҷомӣ бозорҳоро бо маҳсулоти босифат таъмин мекунанд
РУШДИ САНОАТ. Дар шаҳри Истиқлол сохтмони марҳилаи дуюми корхонаи металлургӣ идома дорад
Нигина Анварӣ: «Баргузории Конфронси ФАО дар Душанбе бозгӯи эътимоди ҷомеаи ҷаҳонӣ ба сиёсати пешгирифтаи Тоҷикистон ва саҳми фаъолонаи он дар рушди устувори кишоварзӣ аст»
Намояндагони воситаҳои ахбори омма бо фаъолияти дидбонгоҳи наздисарҳадии «Дӯстӣ» шинос шуданд
Тоҷикистон ва Туркия ҳамкориро дар соҳаи сайёҳӣ густариш медиҳанд
Дар Душанбе Ҷаласаи 11-уми минтақавии Шабакаи Осиёи Марказӣ оид ба ҳифзи гуногунии биологӣ баргузор гардид
«TELECOM AWARDS TAJIKISTAN – 2025». Маросими ҷоизасупорӣ ба ғолибони Ҷоизаи миллии соҳаи алоқа доир шуд
Муовини Сарвазири Тоҷикистон бо вазъи соҳаи кишоварзии шаҳри Турсунзода ва ноҳияи Шаҳринав шинос шуд
