ТАСС: Путин ба талошҳои Президенти Тоҷикистон барои оммавӣ кардани забони русӣ баҳои баланд дод

Август 26, 2021 11:53

ДУШАНБЕ, 26.08.2021 /АМИТ «Ховар»/. Президенти Русия Владимир Путин ба кори ҳамтои тоҷики худ Эмомалӣ Раҳмон ҷиҳати таблиғи забони русӣ баҳои баланд дод, хабар дод ТАСС дирӯз, 25 август. 

«Президенти Тоҷикистон Эмомалӣ Раҳмон ба ин таваҷҷуҳи зиёд доранд. Мо ҳама, дар назар дорам, ҳар касе, ки ба таблиғи забони русӣ дар хориҷа, аз ҷумла дар ҷумҳуриҳои Осиёи Марказӣ манфиатдор аст, бояд барои ин аз он кас миннатдор бошем»,-гуфт Путин рӯзи чоршанбе зимни суҳбат бо омӯзгорон, донишҷӯён ва волидон дар арафаи соли нави хониш. Ҳамин тариқ, Президент (аз Русия В. Путин. — тавзеҳи АМИТ «Ховар») суханронии донишҷӯи тоҷик Абдуллоҳоҷӣ Бобоевро шарҳ дод, ки аз моҳи сентябр ба сифати духтур дар Донишгоҳи дӯстии халқҳои Русия (РУДН) таҳсил мекунад.

Путин илова кард, ки ӯ чанде пеш масоили кунунии ҳамкорӣ бо Эмомалӣ Раҳмонро баррасӣ кардааст. «Қариб ҳамеша ӯ (Президенти Тоҷикистон Эмомалӣ Раҳмон. –Тавзеҳи АМИТ «Ховар») масъалаи расонидани кумак аз Русия ба Тоҷикистонро дар рушди забони русӣ ба миён мегузорад. Мо ҳатто нақшаҳои мушаххасро дар ин замина баён кардем, илова бар корҳое, ки анҷом дода шуданд»,-гуфт Путин.

Вай Бобоевро ба муносибати ба Донишгоҳи дӯстии халқҳои Русия дохил шуданаш табрик кард. «Ман аз шунидани он хеле шод шудам, ки барномае, ки мо ҳамроҳ бо Президенти Тоҷикистон як вақт оғоз кардем ва бояд роҳнамоии мутахассисони моро ба ҷумҳурӣ таъмин мекард, он кор мекунад ва чунин натиҷаҳои хуб меорад. Мо минбаъд низ онро идома хоҳем дод», — хулоса кард сарвари давлат.

Ёдовар мешавем, ки  қаблан Президенти Тоҷикистон, Пешвои миллат муҳтарам Эмомалӣ Раҳмон зимни дарси сулҳ дар бинои нави Донишгоҳи техникии Душанбе ба муносибати Рӯзи дониш суханронӣ карда, гуфта буданд, ки барои Тоҷикистон дар баробари рушди забони давлатӣ, ки барои Ҳукумати кишвар афзалият дорад, омӯзиши амиқи забонҳои русӣ ва англисӣ дар мактабҳо ва донишгоҳҳои кишвар низ ниҳоят муҳим аст.

Сарвари давлат чунин таъкид карданд: «Ин забонҳоро амиқ омӯхтан лозим аст, зеро бе донистани онҳо Тоҷикистон дар инзиво монда,  рушди минбаъдаи давлат ғайриимкон ё душвор мешавад». Пешвои миллат хотиррасон карданд, ки забони русӣ ва англисӣ аз шумораи шаш забони расмии СММ маҳсуб мешаванд. «Ҳама технологияҳои муосир бо забонҳои англисӣ ва русӣ тавзеҳ дода мешаванд, аз ин рӯ ин забонҳо заруранд, то мутахассисони мо дар бораи кор кардани ин ё он таҷҳизот маълумот пайдо намоянд», — иброз намуданд Пешвои миллат.

Инчунин бояд зикр аст, ки 4 апрели соли 2003 Президенти Тоҷикистон Фармон “Дар бораи беҳтар намудани таълим ва омӯзиши забонҳои русӣ ва англисӣ дар Ҷумҳурии Тоҷикистон” -ро имзо карданд. Мувофиқи ин фармон Ҳукумати Ҷумҳурии Тоҷикистон Барномаи давлатии такмил ва омӯзиши забонҳои русӣ ва англисӣ дар Ҷумҳурии Тоҷикистон то соли 2030 -ро қабул кард.                 

           АКС: kremlin.ru/Хадамоти матбуоти Кремл

Август 26, 2021 11:53

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад