Ҷашни 30-юмин солгарди Истиқлолияти давлатии Ҷумҳурии Тоҷикистон дар Истанбул ботантана таҷлил гардид
ДУШАНБЕ, 24.09.2021. /АМИТ «Ховар»/. Бо ташаббуси консулгарии Ҷумҳурии Тоҷикистон дар шаҳри Истанбул 23-уми сентябр, ба ифтихори ҷашни бузурги миллӣ — 30-солагии Истиқлолияти давлатии Ҷумҳурии Тоҷикистон, ҷапмомади идона баргузор гардид, иттилоъ медиҳад хабарнигори АМИТ «Ховар» дар Туркия Манижа МАКСУДОВА.
Ҳамоиши мазкур дар меҳмонхонаи “Ҳилтон”-и шаҳри Истанбул (Hilton-İstanbul), бо иштироки зиёда аз 100 нафар меҳмонон баргузор гардида, дар он муовини раиси ҳокимияти шаҳри Истанбул хонуми Озлем Бозкурт Геврек, намояндагони сохторҳои гуногуни шаҳри Истанбул ва ҳайати дипломатӣ, консулҳои генералии кишварҳои хориҷӣ, аз ҷумла раиси Шӯрои соҳибкорони Туркия – Тоҷикистон, раиси Ҷамъияти тоҷикони муқими Туркия, намояндагони илму фарҳанг ва аҳли зиёи кишвари иқомат ва шаҳрвандони Ҷумҳурии Тоҷикистон иштирок намуданд.
Консули генералии Ҷумҳурии Тоҷикистон дар шаҳри Истанбул Мурод Саидзода пас аз садо додани сурудҳои миллии Ҷумҳурии Тоҷикистон ва Ҷумҳурии Туркия суханронӣ намуда, ҳозиринро бо ҷашни 30-юмин солгарди Истиқлолияти давлатии Ватан табрику таҳният гуфта ва зикр намуд, ки “Истиқлолият ин бузургтарин дастоварди миллии мардуми шарифи тоҷик дар тӯли таърих мебошад, зеро халқи тоҷик баъди зиёда аз ҳазор сол соҳиби давлати мустақили миллӣ гардида, мақому манзалати хоса дар арсаи байналмилалӣ касб намуд”. Ҳамчунин консули генералӣ оид ба дастовардҳои кишварамон дар тӯли 30 соли Истиқлолият ва аз ҳамкориҳои Ҷумҳурии Тоҷикистон бо созмонҳои бонуфузи байналмилалӣ ёдовар шуд.
Аз ҷониби консулгарии кишварамон дар шаҳри Истанбул ба раиси Шӯрои соҳибкорони Тоҷикистону Туркия Ҷаҳонгир Фикри Саатчиоғлу барои мусоидат ба рушди ҳамкориҳои иқтисодиву тиҷоратӣ байни Тоҷикистону Туркия сипоснома ва ба муовини раиси ҳокимияти шаҳри Истанбул хонум Озлем Бозкурт Геврек туҳфаи хотиравӣ тақдим карда шуд.
Дар ҷамъомади бошукуҳ бахшида ба 30-солагии Истиқлолияти Ҷумҳурии Тоҷикистон Ҳунарманди шоистаи Ҷумҳурии Тоҷикистон, лауреати озмунҳо ва фестивалҳои байналмилалӣ, хатмкардаи Консерваторияи Милани Итолиё Шоҳрух Юнусов ва сарояндаи ҷавону маъруфи кишвар Хуҷастаи Мирзовалӣ бо сурудҳои ҷолиби худ табъи меҳмонон ва иштирокчиёнро болида сохтанд.
Дар рафти зиёфат ба муногсибати 30-солагии Истиқлолияти давлатии Ҷумҳурии Тоҷикистон торти бошукӯҳи ҷашнӣ аз ҷониби консули генералии кишварамон якҷо бо консулҳои генералии кишварҳои хориҷӣ дар шаҳри Истанбул бурида шуд. Ҳамзамон гӯшаи Тоҷикистон, ки муаррифи кишварамон буд, ба намоиш гузошта шуд. Дар хатми ҳамоиш барои иштирокдорон ва меҳмонон ҳадяву шириниҳои Тоҷикистон тақдим гашт.
АКСҲО аз муаллиф
35-СОЛАГИИ ИСТИҚЛОЛИ ДАВЛАТӢ. Дар ноҳияи Данғара иншооти таъйиноти гуногун ба истифода дода шуданд
Исматулло Насредин ва Дэн Ҷарвис масъалаҳои минтақавӣ ва ҳамкориро баррасӣ намуданд
Пешвои миллат Эмомалӣ Раҳмон дар деҳоти Булёни поёни ноҳияи Данғара Муассисаи таълимии томактабии «Дурахшон»-ро ифтитоҳ намуданд
Сарвари давлат Эмомалӣ Раҳмон дар деҳаи Булёни поёни деҳоти Хуррамшаҳри ноҳияи Данғара Муассисаи таҳсилоти миёнаи умумии №11-ро ба истифода доданд
Дар Женева 33-солагии Истиқлолияти давлатии Ҷумҳурии Тоҷикистонро ҷашн гирифтанд
Президенти Тоҷикистон Эмомалӣ Раҳмон дар деҳаи Навободи деҳоти Исмат Шарифови ноҳияи Данғара Муассисаи таҳсилоти миёнаи умумии №86-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара Муассисаи таълимии томактабии №8-ро ифтитоҳ намуданд
Пешвои миллат Эмомалӣ Раҳмон дар деҳаи Булёни болои ноҳияи Данғара бинои Муассисаи таҳсилоти миёнаи умумии рақами 15-ро ба истифода доданд
Сарвари давлат Эмомалӣ Раҳмон бо фаъолияти Хоҷагии деҳқонии «Саодатшо» ва дастовардҳои кишоварзии ноҳияи Данғара шинос шуданд
Президенти Тоҷикистон Эмомалӣ Раҳмон роҳи мошингарди Ҳусеншайх – Хуррамзамини ноҳияи Данғараро ба истифода доданд
Сарвари давлат Эмомалӣ Раҳмон дар деҳаи Алиҷони деҳоти Пушинги ноҳияи Данғара Муассисаи таҳсилоти миёнаи умумии №24-ро мавриди истифода қарор доданд
Президенти Тоҷикистон Эмомалӣ Раҳмон дар деҳаи Алиҷони деҳоти Пушинги ноҳияи Данғара Муассисаи томактабии «Ворисон»-ро ифтитоҳ намуданд
