Ба шарафи ҷашни 30-солагии Истиқлоли давлатӣ дар Тоҷикобод иншооти таъйиноти гуногун ба истифода дода шуданд
ТОҶИКОБОД, 08.09.2021 /АМИТ «Ховар»/. Ба ифтихори ҷашни 30-солагии Истиқлоли давлатии Ҷумҳурии Тоҷикистон бо иштироки раиси Кумитаи забон ва истилоҳоти назди Ҳукумати Ҷумҳурии Тоҷикистон Олимҷон Маҳмадҷонзода, раиси ноҳияи Тоҷикобод Қадриддин Фақерзода ва сокинони ноҳия бунгоҳи тиббии деҳаи Зарафшон, майдончаи бозии кӯдакону наврасони деҳаи Сари пул ва Боғи фарҳангии ноҳия мавриди баҳрабардорӣ қарор дода шуд.
Тавре мухбири минтақавии АМИТ «Ховар» хабар медиҳад, дар маросими ифтитоҳи иншооти мазкур намояндагони ҳукумат сокинони ноҳияро бо ин санаи муҳими таърихӣ табрик намуда, изҳор доштанд, ки дар таърихи халқу миллатҳои ҷаҳон рӯйдоду санаҳои муҳиме ҳастанд, ки бо гузашти солҳо аҳамият ва мақому манзалати онҳо кам не, баръакс меафзояд. Барои мардуми шарафманди тоҷик чунин воқеаи фараҳбахши таърихӣ- рӯзи ба даст овардани Истиқлоли давлатӣ мебошад. Хушбахтона, имрӯзҳо сокинони сарзамини аҷдодии мо зери сиёсати хирадмандонаи Пешвои миллат муҳтарам Эмомалӣ Раҳмон дар фазои истиқлолу озодӣ зиндагӣ намуда, дар пешрафти кишвари азизи хеш саҳми арзанда гузошта истодаанд.
Ёдовар мешавем, ки дар ноҳияи Тоҷикобод то ин давра боғи фарҳангӣ мавҷуд набуд. Хушбахтона, ба муносибати ин ҷашни таърихӣ дар маркази ноҳия боғи фарҳангӣ бунёд гардид. Ҳамчунин дар ин давра мушкилоти зиёди ноҳия, аз қабили мушкили оби нӯшокӣ, нарасидани ҷойи нишаст дар муассисаҳои таълимӣ ва набудани бунгоҳҳои тиббӣ бартараф шуданд.
Мақомоти иҷроияи ҳокимияти давлатии ноҳияи Тоҷикобод ба ифтихори ҷашни 30-солагии Истиқлолияти давлатии Ҷумҳурии Тоҷикистон сохтмони 77 иншоотро ба нақша гирифта буд. То имрӯз бо дастгирии соҳибкорони бонангу номуси ватанӣ ва маблағгузории буҷети маҳаллӣ иншооти зиёд, аз қабили синфхонаҳои иловагӣ, бунгоҳҳои тиббӣ, коргоҳҳои дӯзандагӣ, минтақаҳои истироҳатӣ ва майдончаҳои варзишӣ ба истифода дода шуданд. Ҳамчунин илова ба нақшаи 30-солагии Истиқлолияти давлатӣ дар ноҳияи Тоҷикобод зиёда аз 30 иншооти дигар мавриди истифода қарор гирифтанд.
АКСҲО: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ҷамоати Турдии ноҳияи Ҳамадонӣ беш аз 15 км роҳи маҳаллӣ сангфарш гардид
Ғолибони даври ҷумҳуриявии озмуни «Сайри гули лола» муайян шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Кӯшониён мағозаи армуғон, ҳунарҳои мардумӣ ва коргоҳи дӯхти либосҳои миллӣ ифтитоҳ ёфт
Дар ноҳияҳои шаҳри Душанбе нуқтаҳои партовҷамъкунӣ навсозӣ мешаванд
35-СОЛАГИИ ИСТИҚЛОЛИ ДАВЛАТӢ. Дар вилояти Хатлон 1303 синфхона бунёд мешавад
Дар деҳаи Муъминободи шаҳри Ҳисор сохтмони бинои иловагии мактаб оғоз ёфт
Илму маориф дар пешрафти иқтисодию иҷтимоии давлати ҳуқуқбунёд ҷойгоҳи хосса дорад
35-СОЛАГИИ ИСТИҚЛОЛИДАВЛАТӢ. Дар вилояти Хатлон 2762 биною иншоот мавриди истифода қарор гирифтааст
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон осоишгоҳи замонавӣ бунёд мегардад
Президенти Тоҷикистон Эмомалӣ Раҳмон дар шаҳри Душанбе корхонаи бофандагии Ҷамъияти саҳомии кушодаи «Пиллаи тоҷик»-ро ифтитоҳ намуданд
Пешвои миллат Эмомалӣ Раҳмон дар шаҳри Душанбе Меҳмонхонаи «Кангурт Гранд Ҳотел»-ро мавриди истифода қарор доданд
Сарвари давлат Эмомалӣ Раҳмон дар шаҳри Душанбе бинои бисёрфунксионалӣ бо ҷойгиршавии Меҳмонхонаи чорситорадори «Фирдавсӣ»-ро ифтитоҳ намуданд
