Бабри барфӣ дар Тоҷикистон аз ҳифозати махсус бархурдор аст,- бардошт аз конфронси илмӣ-назариявӣ дар Хоруғ
ХОРУҒ, 27.09.2021 /АМИТ «Ховар»/. Бо ибтикори Академияи миллии илмҳои Тоҷикистон (АМИТ) ва Институти биологии Помир дар Донишгоҳи давлатии Хоруғ дар мавзӯи «Муйян намудани нишонаҳои мавҷудияти бабри барфӣ аз рӯи изи по барои ташкилоти ҳифзи табиати ҷумҳурӣ ва шарикони онҳо» конфронси илмӣ-назариявӣ доир гардид, хабар медиҳад мухбири минтақавии АМИТ «Ховар».
Дар кори конфронс устодону донишҷӯёни донишгоҳи мазкур ва олимони Академияи миллии илмҳои Тоҷикистон ширкат намуданд. Дар конфронс ноиби президенти АМИТ Абдусаттор Саидов дар бораи макони зисти бабри барфӣ, муайян намудани саршумори он аз рӯи изи по, пурра муайян намудани саршумори дақиқи ин ҷонвари нодир, нақши сокинони манотиқи кӯҳистон дар ҳифзу афзоиши саршумори бабри барфӣ дар худуди силсилакӯҳҳои Помир ба аҳли толор маълумоти ҷолиб манзур намуд.
Дар конфронс тазаккур дода шуд, ки бабри барфӣ ё озодапаланг дар силсилакӯҳҳои Ҳимолой, Қароқурум, Ҳиндукуш, Тиён-Шон, Олтой ва Кунлун сукунат дорад. Точикистон яке аз маконҳои сукунати бабри барфӣ ба ҳисоб рафта, ин намуд ҳайвони нодир дар деҳоти назди кӯҳдоманҳои Помири шарқию ғарбӣ бештар вомехӯрад.
Дар чанд соли охир пайдо кардани ғизо барои бабри барфӣ ба мушкилӣ муяссар мегардад ва аз ин рӯ онҳо аз ночорӣ ба макони зисти одамон мефароянд. Назар ба таҳқиқоти рӯзноманигор Қурбон Аламшоев, дар тӯли 10 соли охир дар ҳудуди вилоят 21 ҳодисаи ҳамлаи бабри барфӣ ба ҳайвоноти хонагии сокинони деҳот сабт шудааст. Аммо сарфи назар аз хисороти калони молӣ соҳибони ҳайвоноти хонагӣ бабри барфиро ба озодӣ сар доданд.
Ин шаҳодати он аст, ки корҳои тарғиботию ташвиқотии мутахассисони Кумитаи ҳифзи муҳити зисти ҷумҳурӣ натиҷаҳои хуб ба бор оварда, маърифати экологии сокинони деҳот сол аз сол баланд мегардад ва олами парандагону ҳайвоноти ваҳшӣ дар табиат худро орому осуда эҳсос мекунад.
АКСҲО: АМИТ «Ховар»
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
