Бо иштироки Маҳмадтоир Зокирзода дар ноҳияи Лахш фермаи чорвопарварӣ ва муассисаи таълимӣ ба истифода дода шуданд
ЛАХШ, 19.09.2021 /АМИТ «Ховар»/. Бо иштироки Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода, Вазири маориф ва илми Ҷумҳурии Тоҷикистон Муҳаммадюсуф Имомзода, Директори Агентии хизмати давлатии назди Президенти Ҷумҳурии Тоҷикистон Ҷумъа Давлатов ва дигар меҳмонону сокинон дар ҷамоатҳои деҳоти Сартало ва Ҷиргатоли ноҳияи Лахш бинои нави муассисаи таълимии рақами 9 ва фермаи чорвопарварӣ мавриди баҳрабардорӣ қарор дода шуд. Дар ин бора раиси дастгоҳи ноҳияи Лахш Икроми Хуршед ба хабарнигори АМИТ «Ховар» Субҳониддини Маҳмуд иттилоъ дод.
Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода зимни ин чорабиниҳои тантанавӣ сокинони ноҳияро бо 30-юмин солгарди Истиқлолияти давлатӣ табрик намуда, доир ба вусъат бахшидан ба корҳои ободонию созандагӣ, тарбияи дурусти фарзандон, таъмини амнияти озуқаворӣ, дастгириҳои Ҳукумати Ҷумҳурии Тоҷикистон нисбат ба сокинони ҷумҳурӣ ва муҳайё намудани шароити таҳсил барои насли наврас мулоҳизаҳои судманд баён намуд.
Фермаи чорвопарварӣ дар Ҷамоати деҳоти Сартало дар асоси супориши Пешвои миллат муҳтарам Эмомалӣ Раҳмон, ки зимни сафари корияшон ба ноҳияҳои минтақаи Рашт дода буданд, аз тарафи соҳибкор Алишер Азимов ба истифода дода шуд. Айни замон дар ин ферма 115 сар чорвои гӯштӣ, зотҳои маҳаллӣ, карпат ва чёрно-пёстрая парвариш ёфта истодаанд. Фермаи мазкур барои истеҳсоли гӯшт сохта шуда, метавонад ноҳияҳои минтақаи Раштро дар оянда бо гӯшти аълосифати чорво таъмин кунад.
Бинои муассисаи таълимии рақами 9 аз се ошёна иборат буда, дорои 420 ҷойи нишаст мебошад. Мудири шуъбаи маорифи ноҳияи Лахш Нуралӣ Сафаров гуфт, ки муассисаи мазкур бо дастгирии Мақомоти иҷроияи ҳокимияти далатии ноҳияи Лахш ва Вазорати маориф сохта шуда, синфхонаҳои фаннӣ бо таҷҳизоти замонавӣ муҷаҳҳаз гардонида шудаанд. Ҳамчунин муассиса бо синфхонаи компютерӣ ва китобхонаи замонавӣ таъмин мебошад.
АКС аз Мақомоти иҷроияи ҳокимияти давлатии ноҳияи Лахш








Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд






