Дафтари барномаҳои САҲА дар Душанбе ба Кумитаи кор бо ҷавонон ва варзиш кумаки техникӣ мерасонад
ДУШАНБЕ, 29.09.2021 /АМИТ «Ховар»/. Аз ҷониби Дафтари барномаҳои САҲА дар Душанбе ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон дастгирии техникӣ расонида мешавад,-зикр шуд 29 сентябр зимни мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода бо роҳбари барномаҳои САҲА дар Душанбе Валериу Кивер, хабар доданд дар Кумитаи кор бо ҷавонон ва варзиш ба АМИТ «Ховар».
Зимни мулоқот ҷонибҳо аз ҳамкории дуҷониба изҳори қаноатмандӣ намуда, зикр намуданд, ки нақши ҷавонон дар рушди устувор, пешгирии буҳронҳо ва пешбурди сулҳ миёни ҷомеаи ҷаҳонӣ муҳим ва мусбат арзёбӣ шудааст.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон иброз дошт, ки Ҳукумати Ҷумҳурии Тоҷикистон бо мақсади баланд бардоштани нақши ҷавонон дар ҷомеа ва таъмини иштироки онҳо дар тамоми самтҳои ҳаётан муҳими иҷтимоӣ, иқтисодӣ, фарҳангӣ ва сиёсии кишвар давоми 30 соли соҳибистиқлолӣ тадбирҳои мушаххас андешид.
Роҳбари барномаҳои САҲА дар Душанбе Валериу Кивер омодагии худро барои ҳамкорӣ дар татбиқи Стратегияи сиёсати давлатии ҷавонон дар Ҷумҳурии Тоҷикистон барои давраи то соли 2030, инчунин тарҳрезию татбиқи лоиҳаҳо ва ташкили чорабиниҳои муштарак дар самти рушди ҷавонон изҳор намуд.
АКС: Кумитаи кор бо ҷавонон ва варзиш
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
