Дар қасри Таврический ба муносибати 30 -солагии Истиқлолияти давлатии Тоҷикистон ҳамоиши тантанавӣ сурат гирифт
ДУШАНБЕ, 10.09.2021 /АМИТ «Ховар»/. 9 сентябр дар қароргоҳи Ассамблеяи Байнипарлумонии Иттиҳоди Давлатҳои Мустақил ҷашни 30-солагии Истиқлолияти давлатии Ҷумҳурии Тоҷикистон баргузор гардид. Дар ин бора АМИТ “Ховар” бо истинод ба Маҷлиси намояндагони Маҷлиси Олии Ҷумҳурии Тоҷикистон хабар медиҳад.
Зимни он табрикоти Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзодаро ба меҳмонон муовини Дабири кулли Шӯрои АБ ИДМ — намояндаи ваколатдори Маҷлиси Олии Ҷумҳурии Тоҷикистон дар АБ ИДМ Бахтовар Сафарзода қироат кард.
Дабири кулли Шӯрои АБ ИДМ Дмитрий Кобитский зимни суханронии табрикии худ ба фаъолияти намояндагони Ҷумҳурии Тоҷикистон баҳои баланд дод ва нишони фахрии АБ ИДМ «Барои хизматҳои шоён дар рушди тарбияи ҷисмонӣ, варзиш ва сайёҳӣ» -ро ба намояндаи ваколатдори Маҷлиси Олии Ҷумҳурии Тоҷикистон дар АБ ИДМ Бахтовар Сафарзода тақдим намуд.
Консули генералии Ҷумҳурии Тоҷикистон Ҳомидҷон Назарӣ аз роҳи ташаккули Ҷумҳурии Тоҷикистон ҳамчун давлати соҳибихтиёр сухан ронда, аҳамияти дастовардҳои онро, ки дар ниҳоят ба “истиқлолияти иқтисодӣ ва сиёсӣ ва рушди бемайлони тамоми соҳаҳои давлат ва ҷомеа» равона гардидааст, иброз намуд.
Губернатори Санкт -Петербург Александр Беглов ва Губернатори вилояти Ленинград Александр Дрозденко низ ба намояндагони Ҷумҳурии Тоҷикистон барои сатҳи ҳамкории минтақавӣ изҳори минатдорӣ намуданд.
Ба муносибати санаи муҳим дар толори қасри Таврический аксҳои рассомони тоҷик, инчунин намоиши ҳунарҳои мардумӣ ва либосҳои миллӣ баргузор гардид.
Дар фарҷоми ҷашн консерти устодони санъати Тоҷикистон баргузор гардид.
АКС: МНМО ҶТ
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
