Дар Донишгоҳи давлатии Хуҷанд Рӯзи дониш таҷлил гардид

Сентябрь 1, 2021 15:59

ДУШАНБЕ, 01.09.2021. /АМИТ «Ховар»/. Бахшида ба Рӯзи дониш дар Донишгоҳи давлатии Хуҷанд ба номи академик Бобоҷон Ғафурови вилояти Суғд ҳамоиш доир шуд, ки дар он Раиси вилояти Суғд Раҷаббой Аҳмадзода низ иштирок дошт, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.

Раиси вилоят Раҷаббой Ахмадзода зикр намуд, ки таъсису тавсеаи фаъолияти муассисаҳои нави миёнаву олии таълимӣ, ба вуҷуд овардани низоми чандзинагии таълиму омӯзиш аз иқдомҳои наҷибест, ки аз нахустин рӯзҳои фаъолияти сарварии Пешвои миллат муҳтарам Эмомалӣ Раҳмон роҳандозӣ гардидаанд. Дар саргаҳи дастуру супоришҳо, амру фармонҳои Сарвари давлат доир ба мактабу маориф ва илм аслан се масъалаи муҳим ва калидӣ — татбиқи якҷояи низоми мукаммали илму таълим ва тарбия қарор дорад.

Раиси вилоят аз нақши Донишгоҳи давлатии Хуҷанд дар тарбияи кадрҳо ёдовар шуда, таъкид кард, ки таъмири кулливу ҷории биноҳои таълимии донишгоҳ, муҷаҳҳаз гардонидани 30 озмоишгоҳ, таҳкими пойгоҳи моддиву техникии донишгоҳ, таъсиси 15 ихтисоси наву замонавӣ ва дигар ташаббусҳои ободониву созандагии донишгоҳ аз муҳимтарин дастовардҳо дар арафаи таҷлили ҷашни бузурги Истиқлоли давлатӣ маҳсуб меёбанд.

Дастовардҳои устодону донишҷӯёни донишгоҳ назаррас буда, иштирок ва сазовор гардидани 109 нафар донишҷӯи донишгоҳ ба ҷойҳои ифтихорӣ дар олимпиадаву озмунҳои ҷумҳуриявии «Фурӯғи субҳи доноӣ китоб аст», «Илм – фурӯғи маърифат», «Ҷоми Академияи илмҳои Ҷумҳурии Тоҷикистон», «Дониш талабу бузургӣ омӯз…» аз дастовардҳои донишгоҳ мебошанд, ки сазовори ҷойи якум шудани 50 нафар,  ҷойи дуюмро гирифтани 28 нафар  ва соҳиби мақомҳои сеюм гардидани 31 нафар далели ин гуфтаҳост.

АКС аз хадамоти матбуоти Раиси вилояти Суғд

Сентябрь 1, 2021 15:59

Хабарҳои дигари ин бахш

ОМОДАГӢ БА ЗИМИСТОН. Дар ноҳияи Мурғоб миқдори зарурии ғалла ва маҳсулоти мавриди ниёзи аввали аҳолӣ захира шудааст
АГЕНТИИ ОБУҲАВОШИНОСӢ. Дар нимаи дуюми моҳи октябр дар Тоҷикистон борони бошиддат меборад
ОБУ ҲАВО: Имрӯз дар баъзе ноҳияҳои Тоҷикистон тӯфон ва чангу ғубор ба амал меояд
ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Душанбе ҳаво рӯзона 31+33 дараҷа гарм мешавад
ОБУ ҲАВО: Имрӯз дар Тоҷикистон ҳаво рӯзона то 36 дараҷа гарм мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
«Ҳамсоядорӣ. Аз иғвоангезии навбатии Қирғизистон кӣ суд мебарад?!», «Хуни шаҳидон бар гардани кист?!», — шарҳи матбуоти даврии Тоҷикистон
Ҷаласаи XXV Шӯрои байниҳукуматӣ оид ба иктишоф, истифода ва ҳифзи қаъри замини давлатҳои узви ИДМ доир гардид
ОБУ ҲАВО: Имрӯз дар Тоҷикистон ҳаво рӯзона то 36 дараҷа гарм мешавад
ҚУРБИ АСЪОР: 1 доллари ИМА аз 10.2361 то 10.1000 сомонӣ муқаррар шудааст
Ҷаласаи Шӯрои сарони ҳукуматҳои кишварҳои узви СҲШ 1 ноябр доир мегардад