Дар Хатлон таҳти унвони «Даҳаи тантанаҳо» барномаҳои идонаи ҳизбиён баргузор мешаванд
ДУШАНБЕ, 04.09.2021. /АМИТ «Ховар»/. Дар шаҳру навоҳии вилояти Хатлон бо ташаббуси Кумитаи иҷроияи ҲХДТ ба ифтихори 30-солагии Истиқлолияти давлатӣ таҳти унвони «Даҳаи тантанаҳо» барномаҳои идона ҷараён доранд.
Тавре аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар» хабар доданд, чунин чорабинӣ дар ташкилоти ибтидоии ҳизбии «Ҳоҷӣ Шариф» сурат гирифта, дар он маҳсули ҳунари аъзои ташкилоти ибтидоӣ ба намоиш гузошта шуд. Дар чорабинӣ раиси Кумитаи иҷроияи ҲХДТ дар вилояти Хатлон Қиёмиддин Миралиён, раиси Кумитаи иҷроияи ҲХДТ дар шаҳри Бохтар Неъматулло Иброҳимзода, роҳбарияти ташкилоти ибтидоӣ, аъзо ва ҷонибдорони ҳизб иштирок доштанд.
Зимни баргузории маҳфил доир ба дастовардҳои даврони соҳибистиқлолии мамлакат, ҳифзу нигҳдории онҳо, сиёсати созандаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон сухан гуфта шуд. Зикр гардид, ки бо мақсади вусъат бахшидан ва бо дарназардошти зарурати инкишофи инфрасохтори деҳот, эҳё ва рушди ҳунарҳои мардумӣ 26 декабри соли 2018 Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Парлумони мамлакат солҳои 2019-2021-ро Солҳои рушди деҳот, сайёҳӣ ва ҳунарҳои мардумӣ эълон карданд. Зеро беш аз 73 фоизи аҳолии кишвар дар деҳот зиндагӣ мекунанд. Хушбахтона, тайи ин се сол ҷиҳати рушду равнақи намудҳои гуногуни ҳунарҳои мардумӣ тадбирҳои муассир роҳандозӣ ва амалӣ карда шуданд. Бо шарофати истиқлоли давлатӣ имконияти мусоид барои кулли ҳунармандон, хусусан занону бонувон фароҳам оварда шуд ва дар баробари корхонаҳои хурду бузурги ҳунармандӣ ҳамчунин навъҳои гуногуни ҳунарҳои дастӣ дубора эҳё гардиданд.
Дар идомаи чорабинӣ раиси Кумитаи иҷроияи ҲХДТ дар вилояти Хатлон ба ҳунармандон ва масъулини Кумитаи иҷроияи ҲХДТ дар шаҳри Бохтар маслиҳат дод, ки дар тарғиби маҳсули ҳунар аз саҳифаҳои интернетии ҳизбӣ, аз ҷумла гурӯҳи фейсбукии “Ҳунарҳои мардумӣ”, ки аз ҷониби КИ ҲХДТ дар вилояти Хатлон таъсис ёфтааст, истифода баранд.
Дар хотима чанд нафар фаъолони ҲХДТ бо Сипосномаи Кумитаи иҷроияи ҲХДТ дар вилояти Хатлон ва шаҳри Бохтар ва туҳфаҳо сарфароз гардонида шуданд.
Имрӯз дар ноҳияҳои алоҳидаи Тоҷикистон борони кӯтоҳмуддат меборад
СОЛИ МАЪРИФАТИ ҲУҚУҚӢ. Дар Кумитаи ҳифзи муҳити зист дар ин мавзуъ ҳамоиш баргузор гардид
Теъдоди ҳалокшудагони ҳодисаи обхезӣ дар АМА ва Уммон ба 20 нафар расид
Шавкат Мирзиёев: «Тоҷикистон барои Узбекистон шарики боэътимоди стратегӣ ва дӯсти наздик дониста мешавад»
Имрӯз дар ноҳияҳои доманакӯҳи Тоҷикистон борони кӯтоҳмуддат пешгӯӣ мешавад
Тошканд пойтахти ҷавонони Иттиҳоди Давлатҳои Мустақил гардид
Таҷдиди неругоҳи «Қайроққум» бомаром идома дорад
Байни Донишгоҳи давлатии Кӯлоб ва панҷ донишгоҳи Узбекистон шартномаи ҳамкорӣ баста шуд
Оё Тоҷикистонро пешрафти рақамӣ интизор аст?
Дар шоҳроҳи Душанбе — Чанок теъдоди қуттиҳои махсус барои партов ба 70 адад расонида мешавад
Имрӯз дар Тоҷикистон ҳавои бебориш пешгӯӣ мешавад
Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид
