Дар Хуҷанд вобаста ба пешгирии болоравии нархи орд дар бозорҳои ҷумҳурӣ ҷаласа доир гардид

ДУШАНБЕ, 28.09.2021 /АМИТ «Ховар»/. Вобаста ба пешгирии болоравии нархи орд дар бозорҳои ҷумҳурӣ имрӯз дар шаҳри Хуҷанд ҷаласаи кории Сардори Хадамоти зиддиинҳисории назди Ҳукумати Ҷумҳурии Тоҷикистон Абдулмаҷид  Муминзод ва муовини Раиси вилояти Суғд Анвар Яъқубӣ бо роҳбарият ва шахсони масъули корхонаҳои истеҳсолкунандаи орд баргузор шуд, хабар доданд аз Хадамоти зиддиинҳисорӣ ба АМИТ «Ховар».

Дар ҷаласа Сардори Хадамот аз роҳбарони корхонаҳои истеҳсолкунандаи орд даъват намуд, ки ба болоравии беасоси нарх роҳ надода, барои таъмини фаровонии бозорҳо бо маҳсулоти орд, ки ҳамчун маҳсулоти мавриди ниёзи аввал ба ҳисоб меравад, тадбирҳои иловагӣ андешанд.

Новобаста аз он ки нархи орду гандум дар давлатҳои содиркунанда боло рафта бошад ҳам, аз соҳибкорон даъват гардид, ки барои дастрас намудани маҳсулоти мазкур бо нархҳои нисбатан арзон дар доираи имконият тадбир андешанд.

АКС: Хадамоти зиддиинҳисорӣ