Дар Кӯлоб оид ба масъалаи иваз намудани шиносномаҳо ба намунаи соли 2014 мулоқот доир шуд
КӮЛОБ, 26.09.2021 /АМИТ «Ховар»/. Аз тарафи кормандони шуъбачаи шиносномавию бақайдгирии қисми минтақавии Раёсати ВКД дар вилояти Хатлон оид ба гурӯҳи ноҳияҳои Кӯлоб- нозир оид ба масъалаҳои шаҳрвандӣ ва кор бо гурезагон, майори милитсия Зоиршо Сафарализода, нозири раводид ва бақайдгирии шуъбачаи мазкур, капитани милитсия Рузмад Бобоев ва нозири калони ХШБ ШВКД дар ноҳияи Темурмалик, майори милитсия Акобир Мирасозода дар якчоягӣ бо раисони маҳалла, аҳли Ҷамоати деҳоти ба номи Саидмумин Раҳимови ноҳияи Темурмалик ҷиҳати бурдани корҳои фаҳмондадиҳию таблиғотӣ оид ба амалӣ намудани Қонуни Ҷумҳурии Тоҷикистон «Дар бораи авф вобаста ба қонунигардонии мақоми ҳуқуқии шаҳрвандони хориҷӣ ва шахсони бешаҳрвандие, ки ба таври ғайриқонунӣ дар ҳудуди Ҷумҳурии Тоҷикистон қарор доранд», «Дар бораи қоидаҳои додани шиносномаи шаҳрвандии Ҷумҳурии Тоҷикистон», инчунин «Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он» вохӯрӣ гузаронида шуд.
Тавре сардори шуъбачаи шиносномавию бақайдгирии қисми минтақавии Раёсати ВКД дар вилояти Хатлон оид ба гурӯҳи ноҳияҳои Кӯлоб, подполковники милитсия Абдуғафор Фаттозода ба хабарнигори минтақавии АМИТ «Ховар» иттилоъ дод, зимни вохӯрӣ ба шаҳрвандон фаҳмонида шуд, ки шахсоне, ки таҳти амали Қонуни Ҷумҳурии Тоҷикистон «Дар бораи авф вобаста ба қонунигардонии мақоми ҳуқуқии шаҳрвандони хориҷӣ ва шахсони бешаҳрвандие, ки ба таври ғайриқонунӣ дар ҳудуди Ҷумҳурии Тоҷикистон қарор доранд» фаро гирифта мешаванд, метавонанд ба хадамоти шиносномавию бақайдгирии ҳудуди шаҳру ноҳияҳо аз рӯи ҷои зист муроҷиат намоянд.
Инчунин аз ҳама шаҳрвандон, роҳбарони корхона, муассиса ва ташкилоти ҳудуди ноҳия хоҳиш карда шуд, ки рӯзҳои наздик шиносномаи намунаи соли 1996 -ро бо шиносномаи намунаи соли 2014 иваз намоянд.
Зикр шуд, ки аз ҷониби масъулини шуъбачаи шиносномавию бақайдгирии қисми минтақавии РВКД дар гурӯҳи ноҳияҳои минтақаи Кӯлоб то ин ҷониб 13083 нафар хатмкунандагони муассисаҳои таҳсилоти умумӣ ва 486 корманди муассисаҳо бо шиносномаи намунаи соли 2014 таъмин карда шудаанд, ки 83%- ро дар бар мегирад.
АКСҲО:АМИТ «Ховар»
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
Имрӯз дар баъзе ноҳияҳои Тоҷикистон борони кӯтоҳмуддат меборад
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
