Дар шаҳри Хуҷанд озмуни «Таомҳои миллӣ» баргузор шуд

Сентябрь 18, 2021 08:48

ДУШАНБЕ, 18.09.2021 /АМИТ «Ховар»/. Дар чойхонаи «Сирдарё»-и шаҳри Хуҷанд озмуни шаҳрии «Таомҳои миллӣ» баргузор гардид, ки дар он  таббохони шаҳри Хуҷанд иштирок намуданд, иттилоъ доданд аз маркази матбуоти Раиси шаҳри Хуҷанд ба АМИТ «Ховар». Озмун аз рўйи ду номина: «Беҳтарин таоми миллӣ» ва «Беҳтарин ороиши дастархони идона» доир шуда, дар бахши «Беҳтарин таоми миллӣ» Фирдавс Дадобоев- намояндаи ошхонаи оилавии «Фарзона», Ойбек Шерхонов  аз ошхонаи «Насиба» ва Муслима Ғоибова аз маҳаллаи «Сирдарё» мақомҳои ифтихориро соҳиб шуданд.

Дар номинаи «Дастархони идона» Яҳё Почоев аз қаҳвахонаи «Фирдавс», Малоҳат Содиқова аз маҳаллаи «Суғдиён» ва Муътабар Розиқова аз маҳаллаи «1 май» сазовори ҷойҳои якум, дуюм ва сеюм шуданд.

Муовини Раиси шаҳри Хуҷанд Бахтиёр Боқизода бо ҷараёни баргузории озмун шинос шуда, иброз дошт, ки ҳадаф аз баргузории чунин озмунҳо баланд бардоштани фарҳанги маънавӣ, омода намудани духтарон ба маданияти оиладорӣ ва сайқали маҳорати кадбонугии онҳо, эҳё ва рушди анъанаҳои ниёгон дар ҷодаи пухтани таомҳои миллӣ аз ҷониби таббохон ва иззату икроми меҳмондорӣ мебошад.

Ҳайати ҳакамони озмун зимни баҳодиҳӣ аз рӯйи нишондиҳанда ва меъёрҳои маҳорати омодакунии таомҳои миллӣ ва сифати он, сатҳ ва тарзи муаррифӣ намудани маҳсулоти омодашуда, ҳамзамон ба навоварӣ, сарфакорӣ ва ташаббускории иштирокдорон баҳо доданд.

Ба ғолибон ва иштирокчиёни фаъол аз ҷониби муовини Раиси шаҳри Хуҷанд Бахтиёр Боқизода Диплом ва сипосномаҳои Мақомоти иҷроияи ҳокимияти давлатии шаҳри Хуҷанд тақдим карда шуд.

Озмуни мазкур дар асоси Амри Президенти Ҷумҳурии Тоҷикистон, қарорҳои дахлдори Раиси вилояти Суғд ва Раиси шаҳри Хуҷанд ҳамасола баргузор мегардад, ки ҳадафи он сарфакорона ва моҳиронаву ҳунармандона оростани дастархон дар тӯю маъракаҳо мебошад.

                                                                  АКС: аз МИҲД шаҳри Хуҷанд

Сентябрь 18, 2021 08:48

Хабарҳои дигари ин бахш

Бо иқдоми неки оилаи Давлатовҳо, ки аъзои фаъоли ҲХДТ мебошанд, дар деҳоти Сангтӯдаи Данғара мактаб бунёд гардид
Нишонаи Саридораи ҳифзи сирри давлатӣ тасдиқ гардид
ОБУ ҲАВО: Имрӯз дар Тоҷикистон ҳаво абрнок шуда, борон ва барф меборад
Дар вазорату муассисаҳои Тоҷикистон Рӯзи Президент бошукӯҳ таҷлил гардид
Дар Рӯзи Президент Муассисаи давлатии телевизиони мусиқии Тоҷикистон «Шаҳнавоз» расман ифтитоҳ гардид
Музаффар Ашӯриён: Рӯзи Президент — рӯзи иқболи мардуми Тоҷикистон аст
Эмомалӣ Раҳмонро дар арсаи байналмилалӣ шахсияти сулҳофару сулҳпарвар ва сарҷамъкунандаи миллат эътироф намудаанд
Дар Хоруғ бо мақсади захира барои зимистон ярмарка-фурӯши маҳсулоти кишоварзӣ доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Пагоҳ ба шарафи Рӯзи Президент намоиш-фурӯши китобҳо доир мешавад
Бахшида ба Рӯзи Президент маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» доир мешавад
Хонандагони тоҷик дар Олимпиадаи байналмилалии физика дар Узбекистон соҳиби ҷойи сеюм шуданд