Дар тамоми шаҳру ноҳияҳои вилояти Хатлон беш аз 50 ҳазор нафар дар паради ҳарбӣ иштирок намуданд
ДУШАНБЕ, 07.09.2021 /АМИТ «Ховар»/. Имрӯз дар шаҳри Бохтари вилояти Хатлон ба муносибати 30-солагии Истиқлолияти давлатии Ҷумҳурии Тоҷикистон гузашти низомӣ бо иштироки беш аз 10 ҳазор нафар сурат гирифт, ки дар он ҳайати шахсии сохторҳои қудратӣ, мақомоти ҳифзи ҳуқуқ, қисмҳои ҳарбии гарнизони Хатлон ва захираҳои сафарбарӣ таҳти оҳанги оркестри нафасӣ ва бо Парчами давлатии Ҷумҳурии Тоҷикистон ба майдон ворид гардиданд, иттилоъ доданд аз шуъбаи иттилоотию таҳлилии дастгоҳи Раиси вилояти Хатлон ба АМИТ «Ховар».
Имрӯз ҳамчунин дар ҳамаи шаҳру ноҳияҳои вилояти Хатлон бо ҷалби қисму воҳидҳои низомии Қувваҳои Мусаллаҳ, ҷузъу томҳои сохторҳои қудратӣ, мақомоти ҳифзи ҳуқуқ ва ҳайати захираҳои сафарбарӣ парадҳои ҳарбӣ доир шуданд, ки маҷмӯан шумораи онҳо зиёда аз 53 ҳазор нафарро ташкил дод.
Пас аз иҷрои Суруди миллӣ раиси вилояти Хатлон Қурбон Ҳакимзода ҳамаи иштирокчиёни паради ҳарбиро ба муносибати 30-юмин солгарди Истиқлолияти давлатӣ самимона шодбош гуфта, иброз дошт, ки маҳз бо талошу кӯшишҳои пайгиронаи Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, Президенти мамлакат муҳтарам Эмомалӣ Раҳмон артиши миллӣ ба неруи пуриқтидори давлатӣ ва сипари боэътимод табдил ёфта, шароити муносиб барои афсарону сарбозон таъмин гардидааст.
«Ҳайати шахсии сохторҳои низомӣ анъанаҳои хуби ҷангии Қувваҳои Мусаллаҳро бо интизоми қавӣ, донишу малакаи муосир, истифодаи моҳиронаи техникаву технологияҳои муосири ҳарбӣ, рӯҳияи баланди ватандӯстӣ ва садоқат ба касби бошарафу муқаддаси худ — ҳимояи Ватани маҳбуб, ҳифзу таъмини зиндагии осоишта ва заҳмати созандаи халқи хешро сарбаландона идома мебахшанд. Вазъи мураккаби минтақа моро ҳушдор медиҳад, ки баҳри ҳимояи истиқлолият, устувории иқтисодиёт, суботи сиёсӣ, низоми қонунияту давлатдорӣ, ваҳдати миллӣ ва амнияти давлат ҳамаҷониба омода бошем. Ҳимояи амнияти давлат ва ҳифзи оромии ҷомеа барои мо вазифаи муқаддастарин, муҳимтарин ва афзалиятноктарин буда, тавре ки Пешвои миллат муҳтарам Эмомалӣ Раҳмон таъкид медоранд, мо ин корро бо кадом қимате, ки бошад, анҷом медиҳем!»,-гуфт раиси вилояти Хатлон Қурбон Ҳакимзода.
Зикр шуд, ки гузашти низомӣ дар фазои тантанавӣ сурат гирифта, бори дигар собит намуд, ки ҳар пораи хоки Тоҷикистони маҳбуб барои афсарону сарбозон, мардуми шарафманди диёр азизу муқаддас буда, на танҳо низомиён, балки ҳар фарди бонангу номус ҳифз кардани онро барои худ қарзи фарзандӣ ва шарафи бузург меҳисобад.
АКСҲО аз шуъбаи таҳлилию иттилоотии дастгоҳи Раиси вилояти Хатлон
Дар ноҳияи Айнӣ Боғи фарҳангию фароғатии ба номи Шоҳ Исмоили Сомонӣ ба истифода дода шуд
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
НИШАСТИ МАТБУОТӢ. То ҷашни 35-солагии Истиқлоли давлатӣ беш аз 1400 иншоот ба истифода дода мешавад
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави маъмурии Суди вилояти Суғдро ба истифода доданд
