ҶДММ «Витаминҳои Тоҷикистон» дар Левакант гармхона ва дар Душанбеву Бохтар ва Спитамен маркази тақcимоти яклухт месозад

Сентябрь 29, 2021 15:20

ДУШАНБЕ, 29.09.2021 /АМИТ «Ховар»/. Ҷамъияти дорои масъулияти маҳдуди маркази тақсимоти яклухти «Витаминҳои Тоҷикистон» сохтмони гармхонаи инноватсиониро  барои истеҳсоли  сабзавот дар шаҳри Левакант ва ташкили се маркази тақсимоти яклухтро  дар шаҳрҳои Душанбе, Бохтар ва ноҳияи Спитамен бо сармоягузории умумии 20,0 миллион доллари амрикоӣ (228,0 млн. сомонӣ) ба нақша гирифтааст, хабар доданд аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон  ба АМИТ «Ховар».

Дар иртибот ба ин дар Душанбе миёни Ҳукумати Ҷумҳурии Тоҷикистон ва ҶДММ-и тақсимоти яклухти «Витаминҳои Тоҷикистон» оид ба  сохтмони гармхонаи инноватсионӣ барои истеҳсоли сабзавот дар шаҳри Левакант ва ташкил намудани се маркази тақсимоти яклухт дар шаҳрҳои Душанбе, Бохтар ва ноҳияи Спитамен Созишномаи сармоягузорӣ ба имзо расид. Лоиҳа аз ду марҳила иборат буда, дар марҳилаи якум сохтмони гармхонаи инноватсионӣ барои истеҳсоли сабзавот дар шаҳри Левакант ба маблағи 2,6 миллион доллари амрикоӣ (29,6 млн. сомонӣ) сармояи хориҷӣ амалӣ хоҳад шуд.

Татбиқи марҳилаи дуюми лоиҳа ташкили се маркази тақсимоти яклухт дар шаҳрҳои Душанбе, Бохтар ва ноҳияи Спитаменро пешбинӣ менамояд, ки маблағгузории он 17,4 миллион доллари амрикоӣ (198,3 млн. сомонӣ)-ро ташкил медиҳад.

Бо татбиқи пурраи лоиҳаҳо 90 дарсад ҷойҳои нави кории муҳайёшаванда барои шаҳрвандони маҳаллӣ пешбинӣ карда мешаванд.

Татбиқи ин лоиҳаҳо ба амалишавии ҳадафи чоруми миллии стратегии Ҳукумати Ҷумҳурии Тоҷикистон- саноатикунонии кишвар мусоидат менамояд.

 Акс: Аз Кумитаи давлатии сармоягузорӣ ва идораи амволи давлатии ҶТ

Сентябрь 29, 2021 15:20

Хабарҳои дигари ин бахш

Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад