Доираҳои тиҷоратии Тоҷикистон ва Покистон ба ҳамкории судманд тақвият мебахшанд

Сентябрь 16, 2021 16:53

ДУШАНБЕ, 16.09.2021 /АМИТ «Ховар»/. Соли равон гардиши мол миёни Тоҷикистон ва Покистон  ба 25,8  миллион доллари амрикоӣ  расид, ки 54,1 фоизи гардиши  тарафайни  мол дар соли 2019-ро ташкил медиҳад. Чунин зикр шуд дар ҳамоиши доираҳои тиҷоратии Тоҷикистону Покистон, ки имрӯз дар шаҳри Душанбе бо иштироки Сарвазири Ҷумҳурии Исломии Покистон Имрон Хон ва муовини Сарвазири Ҷумҳурии Тоҷикистон Усмоналӣ Усмонзода баргузор гардид.

Хабарнигори АМИТ «Ховар» иттилоъ медиҳад, ки ҳадафи  Форуми соҳибкории  Тоҷикистон ва Покистон  тақвияти ҳамкории мутақобилан судманди иқтисодию тиҷоратӣ миёни ду кишвар  дар соҳаҳои гуногун буда,  дар он 150 нафар намояндагони доираҳои тиҷоратии Тоҷикистон ва Покистон ҳузур доштанд.

Зикр шуд, ки ҳамкории мутақобилан судманди иқтисодию тиҷоратии Тоҷикистон ва Покистон  бо азму талошҳои Сарони ҳар ду кишвар  зарфи солҳои охир беш аз пеш тақвият меёбад. Дар ин замина зимни сафарҳои сатҳи олӣ  пайваста ҳамкории гуногунҷанбаи  Тоҷикистону Покистон  ба сатҳи сифатан нав баромада, баргузории Форуми соҳибкорӣ бо иштироки  доираҳои тиҷоратии ҳарду давлат дар шаҳри Душанбе мисоли барҷастаи гуфтаҳост ва он  ба рушди ҳамкории иқтисодиву тиҷоратӣ, баланд бардоштани  иқтидори содиротӣ, ҷалби сармояву  воридоти технологияҳои   муосир ва тақвияти ҳамкории дуҷонибаи иқтисодию  сармоягузорӣ мусоидат менамояд.

Дар  Форуми соҳибкории Тоҷикистону  Покистон  фазо ва имконияти  сармоягузории ҳар ду кишвар дар соҳаҳои сайру саёҳат, саноат, энергетика, бонкдорӣ, хизматрасонӣ, коркарди маъданҳои кӯҳӣ, фармасевтика, нассоҷӣ ва соири  бахшҳо муаррифӣ гардиданд. Ҳамзамон  дар доираи Форуми соҳибкории Тоҷикистону Покистон  мулоқоти байни субъектҳои  бахши хусусию давлатии ҳарду кишвар санадҳои ҳамкорӣ  ба имзо расонида шуд. Инчунин дар чаҳорчӯби Форуми  соҳибкории  Тоҷикистону Покистон ҷаласаи Шӯрои муштараки  соҳибкории Тоҷикистону Покистон  ва вохӯрии дуҷонибаи  соҳибкорони ҳарду кишвар дар сиғаи соҳибкор бо соҳибкор (В2В)  доир  гардид, ки аз натиҷаи он якчанд санадҳои ҳамкорӣ миёни ширкату корхонаҳои тавлидотии Тоҷикистону Покистон ба имзо расонида шуданд.

Иштирокчиёни Форуми соҳибкории Тоҷикистону Покистон  ба рушди муносибатҳои  дуҷонибаи  судманд ва баимзорасонии санадҳои  ҳамкорӣ, ки фарогири  тамоми бахшҳои иқтисодию тиҷоратӣ мебошанд, баҳои баланд  доданд. Ҷонибҳо ба мувофиқа расиданд, ки чунин ҳамоишҳои соҳибкориро  мунтазам доир намоянд.

                                                   Марзия САИДЗОДА,
АМИТ «Ховар»

Аксҳо аз АМИТ «Ховар»

Сентябрь 16, 2021 16:53

Хабарҳои дигари ин бахш

Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид
Тоҷикистон ҳамкориро бо Словакия дар соҳаи роҳу нақлиёт тақвият медиҳад
ТАҲҚИҚИ ХОК. Баъзе аз кишоварзон бе назардошти маълумоти ташхиси корҳои агрокимёвии хок ва шароити иқлимӣ-иқтисодии минтақа фаъолияти истеҳсолиашонро оғоз менамоянд