Душанбе ва Берлин ҳамкории иқтисодӣ-тиҷоратиро баррасӣ карданд
ДУШАНБЕ, 06.09.2021 /АМИТ «Ховар»/. 3 сентябр дар остонаи таҷлили 30-юмин солгарди Истиқлоли давлатии Ҷумҳурии Тоҷикистон бо ибтикори Сафорати Ҷумҳурии Тоҷикистон дар Ҷумҳурии Федеративии Олмон ва Кумитаи шарқии иқтисоди Олмон (Ost-Ausschuss der Deutschen Wirtschaft) ҳамоиши фосилавӣ миёни блоки иқтисодии Тоҷикистон ва доираҳои иқтисодӣ-тиҷоратии Олмон баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Муовини якуми Сарвазари Ҷумҳурии Тоҷикистон Давлаталӣ Саид зимни муаррифии зарфияти иқтисодӣ ва фазои мусоиди сармоягузории кишвар бо ишора ба абзорҳои анъанавии мавҷуда аз соҳибкорони олмонӣ даъват намуд, ки дар татбиқи лоиҳаҳои афзалиятноки кишвар фаъолона ширкат варзанд.
Ҳамзамон роҳбарияти Вазорати саноат ва технологияҳои нав, Вазорати энергетика ва захираҳои об, Вазорати рушди иқтисод ва савдо, Вазорати корҳои хориҷӣ, Вазорати кишоварзӣ, Кумитаи давлатии сармоягузорӣ ва идораи амволи давлатӣ, Кумитаи рушди сайёҳӣ, Агентии содироти назди Ҳукумати Ҷумҳурии Тоҷикистон ва намояндагони мақомоти марбута иштирок ва суханронӣ намуданд.
Намояндагони зиёда аз 50 ширкати мухталифи олмонӣ дар ҳамоиш иштирок карда, баъд аз анҷоми қисми расмии он бо ҳамтоёни тоҷикистонӣ мубодилаи афкори судманд анҷом доданд.
Пешниҳод гардид, ки чунин ҳамоишҳо дар оянда миёни бахшҳои алоҳидаи иқтисодӣ баргузор карда шаванд. Доираҳои иқтисодӣ-соҳибкории Олмон ҷиҳати соли оянда дар Тоҷикистон ташкил кардани ҳамоиши иқтисодӣ-тиҷоратӣ миёни ду кишвар изҳори омодагӣ намуданд.
АКС аз ВКХ ҶТ
Ҳамкории Тоҷикистон бо Созмони ҳамкории исломӣ баррасӣ гардид
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
Сафири Тоҷикистон бо Вазири давлатӣ дар умури шаҳрдорӣ ва вазири давлатӣ дар умури маскани Кувайт мулоқот намуд
Дурнамои рушди ҳамкории Тоҷикистону Амрико баррасӣ шуд
Ҳамкории Тоҷикистон ва Кувайт оид ба бахши сармоягузорӣ ва сайёҳӣ баррасӣ гардид
Сафири Тоҷикистон дар Австрия дар Симпозиуми байналмилалии об иштирок намуд
Дар Туркманистон нишасти вазирони корҳои хориҷии кишварҳои Осиёи Марказӣ ва Озарбойҷон баргузор гардид
Ашрафҷон Гулов бо Сафири навтаъйини Амороти Муттаҳидаи Араб дар Ҷумҳурии Тоҷикистон Носир Ҳувайдин Зайбон Алӣ Ал-Катбӣ мулоқот намуд
Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил иштирок намуд
Сафири Тоҷикистон бо фаъолияти рӯзномаи «The Times Kuwait» шинос шуд
Дар Женева тақвияти ҳамкории Тоҷикистон дар доираи Барномаи АСИКУДА мавриди баррасӣ қарор дода шуд
Ҳамкории мутақобили судманди Тоҷикистон ва Кувайт дар арсаҳои гуногун баррасӣ гардид
