Душанбе ва Нур-Султон бародаршаҳр шуданд
ДУШАНБЕ, 24.09.2021 /АМИТ «Ховар»/. Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо ҳокими шаҳри Нур-Султон Олтай Кулгинов мулоқот карда, оид ба ҳамкории пойтахтҳои Тоҷикистон ва Қазоқистон гуфтугӯ карданд.
Зимни мулоқот Рустами Эмомалӣ ба тамоюли рушди босуръати Нур-Султон баҳои баланд дода, таъкид намуданд, ки густариши робитаҳо байни воҳидҳои маъмурию ҳудудии ду кишвар, хусусан пойтахтҳо ба таҳкими муносибатҳои дуҷонибаи байнидавлатӣ мусоидат мекунад.
Дар ҷараёни вохӯрӣ ҷонибҳо ба табодули таҷриба дар соҳаи идоракунии шаҳр, инфрасохтори нақлиётӣ, тартиботи ҷамъиятӣ, инчунин рушди ҳамкории иқтисодӣ дар тиҷорат, саноат, сайёҳӣ, фарҳанг, ҷавонон ва варзиш диққати махсус доданд.
Дар робита ба ин, омодагии шаҳри Душанбе барои роҳандозии ҳамкории босамар бо соҳибкорон ва ширкатҳои манфиатдори Қазоқистон ҷиҳати ҷалби сармоягузории мустақим ва самаранок истифода бурдани фазои мусоиди тиҷоратии пойтахт изҳор карда шуд.
Дар поёни музокирот Рустами Эмомалӣ ва Олтой Кулгинов ёддошти тафоҳум оид ба барқарор кардани муносибатҳои бародаршаҳрӣ миёни шаҳрҳои Душанбе ва Нур-Султонро ба имзо расониданд.
Пас аз мулоқот, Рустами Эмомалӣ ҳамроҳ бо ҳокими шаҳри Нур-Султон аз Пажӯҳишгоҳи илмию тарроҳии «АстанаГенплан» ва аз Маркази мониторинг ва вокуниши фаврии «iKOMEK»-и шаҳри Нур-Султон дидан карданд.
АКС: АМИТ «Ховар»
«САЙРИ ГУЛИ ЛОЛА». Дар ҳудуди шаҳри Душанбе зиёда аз 5 миллион адад гули лола шинонида шуд
Рустами Эмомалӣ пешниҳод намуданд, ки гӯштингирӣ ба Бозиҳои Осиё ва Бозиҳои олимпӣ ворид карда шавад
Рустами Эмомалӣ бо Валид ибни Абдураҳмон Ар-Решайдон мулоқот анҷом доданд
Раиси шаҳри Душанбе бо роҳбари намояндагии Бонки Осиёии рушд мулоқот намуданд
ЧУН ДУШАНБЕ МАН НАДИДАМ САБЗШАҲРЕ ДАР ҶАҲОН. Ба Рӯзи пойтахти Ҷумҳурии Тоҷикистон бахшида мешавад
Имрӯз дар чор ноҳияи шаҳри Душанбе намоишҳои фурӯши маҳсулоти мавриди ниёзи аввал ташкил гардиданд
Ҷаласаи якҷояи Маҷлиси вакилони халқи шаҳри Душанбе ва ноҳияҳои он оид ба интихоботи аъзои Маҷлиси миллӣ баргузор шуд
Барои дар сатҳи баланд таҷлил намудани Рӯзи пойтахти Ҷумҳурии Тоҷикистон омодагиҳо идома доранд
Дар Майдони «Истиқлол» барномаи фарҳангии фараҳафзо баргузор гардид
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Ба муносибати Ҷашни байналмилалии Наврӯз дар ноҳияҳои шаҳри Душанбе барномаҳои фарҳангӣ-фароғатӣ баргузор шуданд
Имрӯз ба ифтихори ҷашни Наврӯз дар Майдони Истиқлоли пойтахт барномаи консертӣ бо мушакпаронӣ доир карда мешавад
