Имрӯз дар Душанбе ҷаласаи муштараки ШВКХ, ШВМ ва ККША СААД баргузор мегардад
ДУШАНБЕ, 15.09.2021 /АМИТ «Ховар»/. Имрӯз, 15 сентябр дар шаҳри Душанбе таҳти раёсати Вазири корҳои хориҷии Ҷумҳурии Тоҷикистон Сироҷиддин Муҳриддин ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амниятии кишварҳои узви Созмони Аҳдномаи амнияти дастҷамъӣ (СААД) баргузор мегардад. Дар ин бора ба мухбири АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Ба иттиллои Вазорати корҳои хориҷии Тоҷикистон, зимни ҷаласаи муштарак роҳбарони ҳайатҳо оид ба вазъи низомӣ-сиёсии минтақаҳои амнияти дастҷамъии СААД мубодилаи афкор менамоянд ва рафти иҷрои Нақшаи чорабиниҳо оид ба иҷрои қарорҳои ҷаласаи Шӯрои амнияти дастаҷамъӣ ва татбиқи самтҳои афзалиятноки пешниҳоднамудаи Ҷумҳурии Тоҷикистонро, ки 18 феврали соли 2021 аз ҷониби Президенти Ҷумҳурии Тоҷикистон Эмомалӣ Раҳмон тасдиқ шудааст, муҳокима хоҳанд кард.
Аз сӯи ҷонибҳо маълумоти Дабири кулли СААД Станислав Зас дар бораи ҷараёни омодасозии лоиҳаи Барномаи мақсадноки байнидавлатии СААД оид ба таҳкими сарҳади Тоҷикистону Афғонистон ва Вазири корҳои хориҷии Ҷумҳурии Арманистон Арарат Мирзоян оид ба самтҳои авлавиятноки фаъолият дар давраи раёсати Арманистон дар Созмон шунида хоҳад шуд.
Дар натиҷаи ҷаласаи муштарак қабули беш аз 20 қарор ба нақша гирифта шудааст.
Дар анҷоми ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амниятии кишварҳои узви Созмони Аҳдномаи амнияти дастаҷамъӣ (СААД) изҳороти матбуотӣ бо иштироки Вазири корҳои хориҷии Ҷумҳурии Тоҷикистон ва Дабири кулли СААД баргузор мегардад.
Акс аз бойгонии АМИТ «Ховар»
Вазорати корҳои хориҷии Тоҷикистон ба сафири ИМА дар робита ба суханони Ҷо Байден ёддошти эътирозӣ супурд
Ашрафҷон Гулов, Сафири ҶТ дар Туркия: «Тоҷикистон омода аст дар СҲШ нақши фаъол дошта бошад»
Президенти Ҷумҳурии Исломии Эрон бо сафари расмӣ ба Ҷумҳурии Тоҷикистон ташриф меорад
Сарвазири Ҷумҳурии Исломии Покистон бо сафари расмӣ ба Тоҷикистон меояд
Дар Душанбе ҷаласаи Шӯрои ҳамоҳангсозони миллии кишварҳои узви СҲШ оғоз гардид
Дар Душанбе таҳти раёсати Президенти Тоҷикистон Эмомалӣ Раҳмон бори аввал нишасти сарони кишварҳои узви СҲШ ва СААД оид ба вазъи Афғонистон баргузор мешавад
Рӯзҳои наздик якбора сафари расмии роҳбарони аввали се давлат ба Тоҷикистон дар назар аст
Интизор меравад, ки дар саммити СҲШ дар Душанбе оид ба оғози раванди қабули Эрон чун узви комилҳуқуқи Созмон қарор қабул шавад
Президенти Федератсияи Русия Владимир Путин бо сафари расмӣ ба Ҷумҳурии Тоҷикистон ташриф меорад
Дар Душанбе ҷаласаи муштараки Шӯрои ВКХ, Шӯрои ВМ ва Кумитаи котибони шӯроҳои амнияти СААД баргузор мешавад
Маҷаллаи «Diplomatisches Magazin» дастовардҳои даврони соҳибистиқлолии Тоҷикистонро муаррифӣ намуд
Ба муносибати 30-юмин солгарди Истиқлолияти давлатӣ яке аз бурҷи баландтарини Малайзия бо рангҳои парчами Тоҷикистон равшан гардид
