Ҳизбиёни ноҳияи Темурмалик соҳиби бинои корӣ гардиданд
ДУШАНБЕ, 22.09.2021. /АМИТ «Ховар»/. 22 сентябр дар ноҳияи Темурмалик бинои Кумитаи иҷроияи Ҳизби Халқии Демократии Тоҷикистон мавриди истифода қарор гирифт.
Тавре аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар» хабар доданд, дар ифтитоҳи бинои мазкур муовини якуми Раиси Ҳизби Халқии Демократии Тоҷикистон Абдуҷаббор Азизӣ, раиси вилояти Хатлон Қурбон Ҳакимзода, намояндаи Ҳукумати ҷумҳурӣ Хуршед Каримзода, раиси Кумитаи иҷроияи ҲХДТ дар вилояти Хатлон Қиёмиддин Миралиён ва дигар меҳмонон иштирок доштанд.
Бинои Кумитаи иҷроияи ҲХДТ дар ноҳияи Темурмалик аз ду ошёна, 6 утоқи корӣ ва маҷлисгоҳ иборат буда, он чун туҳфаи идона дар ҷашни 30-солагии Истиқлолияти давлатӣ мавриди истифода қарор дода шуд. То имрӯз кормандони кумитаи мазкур дар бинои ҷамоати шаҳраки Баҳманруд як утоқи кориро иҷора гирифта, фаъолият мебурданд. Акнун онҳо дар бинои нави дорои шароити муосир фаъолият хоҳанд кард.
Тавре ки раиси Кумитаи иҷроияи мазкур Маҳмадсаид Раҷабзода гуфт, бино аслан бо саҳми аъзои фаъоли ҲХДТ ва соҳибкорони маҳаллӣ бунёд гардидааст.
То имрӯз танҳо 5 кумитаи иҷроияи Ҳизби Халқии Демократии Тоҷикистон дар шаҳру ноҳияҳои вилояти Хатлон дар биноҳои маъмурии худӣ фаъолият надоштанд, ки ноҳияҳои Ҷ. Балхӣ, Шаҳритус, Панҷ, Темурмалик ва Данғара аз ҳамин ҷумлаанд. Акнун истиқболи 30-солагии Истиқлолияти давлатӣ барои ҳизбиёни вилоят боз ҳам хотирмон хоҳад гашт, зеро дар ин сол мушкили норасоии биноҳои маъмурии кумитаҳои иҷроияи ҳизбӣ пурра бартараф хоҳад гашт.
Ёдовар мешавем, ки соли гузашта дар ҳамин рӯз- 22 сентябр бинои маъмурии Кумитаи иҷроияи ҲХДТ дар шаҳри Бохтар мавриди истифода қарор гирифта буд.
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
