«Нақши ҷавонон дар 30 соли соҳибистиқлолӣ: дастовард ва дурнамо». Таҳти чунин унвон дар Душанбе ҳамоиш доир гардид

Сентябрь 6, 2021 15:52

ДУШАНБЕ, 06.09.2021 /АМИТ «Ховар»/.  Дар даврони Истиқлолияти давлатӣ таҳти роҳбарии Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мамлакати мо дар эъмори давлати соҳибистиқлоли Тоҷикистон, таҳкими ваҳдати миллӣ, рушди устувори иҷтимоию иқтисодӣ ва баланд бардоштани сатҳи зиндагии аҳолӣ ба комёбиҳои назаррас ноил гардид. Ҷумҳурии Тоҷикистон баробари ба даст овардани истиқлолият зарурати ташаккул ва амалӣ намудани сиёсати давлатии соҳаи геологияро пазируфт. Чунин зикр намуд 4 сентябр дар ҳамоиши муштараки ҷавонони Саридори геологияи назди Ҳукумати Ҷумҳурии Тоҷикистон ва Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон зери унвони «Нақши ҷавонон дар 30 соли соҳибистиқлолӣ: дастовард ва дурнамо» Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода.

Дар ҳамоиш Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода, Сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Санъат Раҳим, Раиси Федератсияи Иттифоқҳои касабаи мустақили Тоҷикистон Маликшо Неъматзода, Раиси Кумитаи кор бо ҷавонон ва варзиши назди Ҳукумати Ҷумуҳурии Тоҷикистон, Раиси Иттифоқи ҷавонони Тоҷикистон Абдулло Раҳмонзода ва роҳбарону кормандони он иштирок намуданд.

Нахуст меҳмонон аз намоиши дастовардҳои соҳаи геология боздид  намуданд. Дар намоиш натиҷаҳои фаъолияти Саридораи геология дар тӯли 30 сол, кашфи конҳо, техника ва таҷҳизоти навтарини соҳа, намунаҳои канданиҳои фоиданок, аз ҷумла металлҳои сиёҳ, ранга, қиматбаҳо, ороишӣ ва ғайра ба маъраз гузошта шуданд.

Дар ин давра зиёда аз 600 кон ва 800 зуҳурот кашф шуда, ҳоло зиёда аз 50 навъи ашёи минералӣ истихроҷ мегарданд. Бархе аз конҳо аз ҷиҳати захира, аз ҷумла кони нуқра, сурбу руҳи Кони Мансур аҳамияти ҷаҳонӣ дошта, қисми дигари онҳо, ба монанди кони сурмаю симоби Дижакрӯд дар миқёси ИДМ ҷойҳои аввалинро ишғол менамоянд. Кони ангишти Назар Айлоқ баъд аз кони ангишти «Ха-Ту» дар Ветнам дар ҷаҳон ҷойи дуюмро ишғол намудааст. Дар даврони соҳибистиқлолӣ дар мамлакат бо истифода аз захираҳои қаъри замин соҳаҳои саноати кӯҳкорӣ, кимиё, сӯзишворию энергетикӣ, сохтмон ва сангтарошӣ бунёд ва рушд ёфтанд.

Мутахассисони соҳаи геология бо омӯзиш ва пешгӯии равандҳои муҳандисию геологӣ, гидрогеологӣ, заминларза ва рафъи оқибатҳои онҳо пайваста машғуланд. Онҳо дар омӯзиши равандҳои дар кӯли Сарез вуҷуд дошта, ярчи соҳили дарёи Вахш (поёнтари шабакаи барқии Бойғозӣ), таҳқиқоти гидрогеологӣ дар НБО «Норак», муайян намудани дараҷаи таҳлили равандҳои экзогении геологӣ ба объектҳои хоҷагии халқ ва манзилии аҳолӣ, пармакунии чоҳҳоииктишофию истифодабарӣ доир бо обҳоиз еризаминӣ ва роҳи оҳани Бохтар–Ёвон, таҳқиқоти реҷаи истифодабарии ҳавзаҳои обҳои зеризаминӣ, мушоҳида барӣ аз рӯи равандҳои хавфноки геологии дар ҳудуди шаҳри Роғун, ки баъд аз заминҷунбӣ ба амал омаданд, корҳои зиёдро ба анҷом расониданд.

Дар қисмати ҷамъбастии ҳамоиш як қатор ҷавонони фаъоли соҳа бо ифтихорномаҳо қадрдонӣ шуданд.

АКСҲО аз Саридори геологияи назди Ҳукумати ҶТ

Сентябрь 6, 2021 15:52

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад