Пагоҳ дар Китобхонаи миллии Тоҷикистон Рӯзи дарҳои боз гузаронида мешавад

Сентябрь 2, 2021 11:44

ДУШАНБЕ, 02.09.2021 /АМИТ «Ховар»/. Пагоҳ, 3 сентябр дар  Муассисаи давлатии «Китобхонаи миллии Тоҷикистон» бахшида ба 30-солагии Истиқлоли давлатии Ҷумҳурии Тоҷикистон, Ҳафтаи китоб ва Рӯзи китоб, ки аз соли 2007 инҷониб аз ҷониби Пешвои миллат эълон гардидаву ҳамасола ҷашн гирифта мешаванд, Рӯзи дарҳои боз  баргузор мегардад, иттилоъ дод ба АМИТ «Ховар» сардори шуъбаи маркетинг ва менеҷменти фаъолияти китобдории Китобхонаи миллии Тоҷикистон Абубакр Манонзода.

Дар ин рӯз аз ҷониби шуъбаи хизматрасонӣ ба муштариён, шуъбаи нигаҳдории депозиторӣ, шуъбаи кӯдакон ва наврасон, шуъбаи хизматрасонии библиографӣ, шуъбаи адабиёти техникӣ ва илмҳои дақиқ, шуъбаи адабиёти хориҷӣ, шуъбаи библиографияи миллӣ, шуъбаи матбуоти даврӣ, маркази тоҷикшиносӣ, шуъбаи илмҳои дақиқ ва шуъбаи адабиёт доир ба фарҳанг ва ҳунар  намоишҳои китоб ва дастовардҳои Китобхонаи миллии Тоҷикистонро манзури иштирокдорон ва меҳмонон менамоянд.

Ҳадаф аз баргузории  Рӯзи дарҳои боз ҷалби таваҷҷуҳи омма ба китоб ва китобхона аст. Роҳандозии ин гуна рӯзҳо дар Китобхонаи миллӣ ба ҳукми анъана даромадааст ва дар ҳама ҷашнҳои миллӣ меҳмонону  сокинони мамлакат имкон пайдо мекунанд бо толорҳои хониши китобхона аз наздик шинос шаванд.

Дар ин рӯз сокинони шаҳри Душанбе, омӯзгорону хонандагони  литсею мактабҳои таҳсилоти миёнаи умумӣ, меҳмонони хориҷӣ  аз Китобхонаи миллии Тоҷикистон метавонанд дидан намоянд. Кормандони масъули Китобхонаи миллӣ меҳмононро ба толорҳои хониш роҳнамоӣ карда, ба онҳо тарзҳои ҷустуҷӯи адабиёт ва дархости  китобро нишон дода, бо намудҳои хизматрасониҳои  ройгону шартномавии  китобхона шинос менамоянд.

АКС аз бойгонии АМИТ «Ховар»

Сентябрь 2, 2021 11:44

Хабарҳои дигари ин бахш

«ҚАСРИ АРБОБ» — МАКОНИ МУҚАДДАС ВА ТАЪРИХӢ. Ба Рӯзи Президенти Ҷумҳурии Тоҷикистон бахшида мешавад
Олимони тоҷик нақши Президенти Тоҷикистонро дар комёбиҳои сулҳу ваҳдати миллӣ нотакрор арзёбӣ намуданд
Дар Донишгоҳи миллии Тоҷикистон нақши Иҷлосияи XVI Шӯрои Олиро дар ҳимояи манфиатҳои миллӣ баррасӣ карданд
Нақши Президенти Ҷумҳурии Тоҷикистон дар рушди соҳаи маориф назаррас аст
«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
«Маҳмуднома». Таҳти чунин унвон доир ба фаъолияти Ҳомид Маҳмудов китоб ба нашр расидааст
«ТОҶИКОН» ДАР ХОНАДОНИ МАН» . Таҳти чунин унвон дар шаҳри Турсунзода озмуни зеҳнӣ доир шуд
Шоираи Раҳимҷон дар ҷамъбасти Фестивали 5-уми адабии Авруосиёии Лиффт-2021 ҷоизаи «Занон барои сулҳ»-ро соҳиб шуд
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон