«Зодагони даврони Истиқлол». Таҳти ин унвон дар Душанбе озмуни расмкашӣ ҷараён дорад
ДУШАНБЕ, 27.09.2021. /АМИТ «Ховар»/. Шуруъ аз 15 сентябр ба ифтихори 30-солагии Истиқлолияти давлатии Ҷумҳурии Тоҷикистон ва 75-солагии таъсиси Хазинаи кӯдакони СММ миёни хонандагони муассисаҳои таҳсилоти миёнаи умумии шаҳри Душанбе таҳти унвони «Зодагони даврони Истиқлол» озмуни расмкашӣ ҷараён дорад, иттилоъ доданд аз Сарраёсати маорифи шаҳри Душанбе ба АМИТ «Ховар».
Озмуни мазкур бо ташаббуси мақомоти иҷроияи ҳокимияти давлатии шаҳри Душанбе, Ваколатдор оид ба ҳуқуқи инсон дар Ҷумҳурии Тоҷикистон ва Хазинаи кӯдакони СММ доир гардида, мақсад аз он баланд бардоштани сатҳи марифати кӯдакону наврасон ва ба ин васила дар замири онҳо тарбия намудани ҳисси ифтихори миллӣ, гиромидошти арзишҳои милливу умумибашарӣ, ҳисси эҳтиром ба ҳуқуқу манфиатҳои кӯдакон ва мавқеи шаҳрвандии онҳо, ташаккули ҷаҳонбинӣ, зебоипарастӣ ва таҳкими неруи эҷодии кӯдакон мебошад.
Озмун аз 3 давр иборат буда, даври аввали он аз 15 то 30 сентябр дар ноҳияҳои шаҳри Душанбе идома меёбад. Даври шаҳрии озмун аз 10 то 14 октябр баргузор гардида, натиҷаи ҷамъбасти озмун бо баргузории чорабинии фарҳангӣ дар Маркази кӯдакон ва наврасони шаҳри Душанбе 15 октябр дар назар дошта шудааст.
Дар озмун кӯдакону наврасони аз 7 то 18-сола метавонанд ширкат намоянд.
Ғолибони озмун ва омӯзгорони онҳо бо ифтихорнома ва мукофотҳои пулӣ сарфароз мегарданд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
