Ҳайати Тоҷикистон дар ҷаласаи шашуми вазирони корҳои хориҷии кишварҳои узви МҲТБО дар Нур-Султон иштирок намуд
ДУШАНБЕ, 12.10.2021 /АМИТ «Ховар»/. 12 октябр дар шаҳри Нур-Султони Ҷумҳурии Қазоқистон ҷаласаи шашуми вазирони корҳои хориҷии кишварҳои узви Машварати ҳамкорӣ ва тадбирҳои боварӣ дар Осиё (МҲТБО) баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ҷумҳурии Тоҷикистонро дар мулоқоти мазкур муовини Вазири корҳои хориҷӣ Фарҳод Салим намояндагӣ кард.
Ф. Салим оид ба масъалаҳои муҳимми минтақавӣ, аз ҷумла вазъ дар Афғонистон изҳори назар намуда, ширкаткунандагонро бо иқдомҳои Тоҷикистон дар самти муҳитизистӣ шинос намуд.
Ҳамчунин Ф. Салим аз кишварҳои узв барои ҷонибдории иқдоми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эълон намудани соли 2025 ҳамчун Соли ҳифзи пиряхҳо даъват ба амал овард.
Инчунин, 12 октябри соли 2021 дар шаҳри Нур-Султони Ҷумҳурии Қазоқистон дар ҳошияи ҷаласаи 6-уми вазирони корҳои хориҷии кишварҳои узви Машварати ҳамкорӣ ва тадбирҳои боварӣ дар Осиё (МҲТБО) Муовини вазири корҳои хориҷии Ҷумҳурии Тоҷикистон Фарҳод Салим дар мулоқоти муштараки роҳбарони ҳайатҳои кишварҳои узви МҲТБО ва созмонҳои байналмилалию минтақавӣ бо Президенти Ҷумҳурии Қазоқистон ширкат варзид.
Дар рафти мулоқот ҳайатҳо ба ҷониби қазоқистонӣ ҷиҳати баргузор намудани мулоқоти навбатии вазирони корҳои хориҷии кишварҳои узви МҲТБО изҳори сипос намуда, оид ба роҳу воситаҳои таҳкими ҳамкориҳо ва тадбирҳои боварӣ дар минтақа табодули назар намуданд.
АКСҲО аз ВКХ ҶТ
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
Дар Қоҳира масъалаҳои таҳкими ҳамкорӣ дар самти таблиғи фарҳанги сулҳ баррасӣ шуданд
Дар Брест ҷаласаи 19-уми Комиссияи байниҳукуматии Тоҷикистону Беларус баргузор гардид
Вазири корҳои хориҷии Тоҷикистон нусхаи эътимодномаи сафири нави Кувайтро қабул намуд
Ҳамкории Тоҷикистон ва Кувайт дар чаҳорчӯби созмонҳои байналмилалӣ баррасӣ шуд
