Ҷаласаи навбатии Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви ИДМ дар Тоҷикистон доир мешавад
ДУШАНБЕ, 22.10.2021. /АМИТ «Ховар»/. Ҷаласаи навбатии Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви ИДМ соли 2022 дар Ҷумҳурии Тоҷикистон баргузор мешавад. Дар ин бора ба хабарнигори АМИТ «Ховар» аз маркази матбуоти Саридораи геологияи назди Ҳукумати Ҷумҳурии Тоҷикистон иттилоъ доданд.
Бино иттилои манбаъ, ин тасмим 21 октябр зимни иштироки ҳайати Ҷумҳурии Тоҷикистон таҳти роҳбарии Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода дар ҷаласаи XXIV Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви Иттиҳоди Давлатҳои Мустақил, ки дар шаҳри Тошканди Ҷумҳурии Узбекистон доир гардид, гирифта шуд.
Ҷаласаи XXIV Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви ИДМро Раиси Шӯро Талгат Сотиев ифтитоҳ намуд. Сипас аз номи Раиси Кумитаи иҷроияи ИДМ мушовири департаменти ҳамкории иқтисодӣ Елена Валевич иштирокдорони ҷаласаро хайрамайдам гуфт.
Баъди ҳисобот оид ба натиҷаҳои фаъолияти Шӯрои байниҳукуматӣ дар тӯли 2 сол Раёсати Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви Иттиҳоди Давлатҳои Мустақил ба ҷониби Узбекистон дода шуд.
Оид ба натиҷаҳои фаъолияти мақомоти геологияи дар давраи солҳои 2019-2021, иҷрои қарорҳои ҷаласаи XXIII Шӯрои байниҳукуматӣ ва лоиҳа дар доираи Нақшаи муштараки корҳо барои оянда оид ба иктишоф, истифода ва ҳифзи сарватҳои зеризаминии давлатҳои узви ИДМ барои солҳои 2021-2025 дар баробари намояндагони ҷумҳуриҳои Арманистон, Беларус, Қазоқистон, Қирғизистон, Узбекистон ва Федератсияи Русия аз ҷониби Тоҷикистон Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода низ сухан кард.
Баъди баррасии масъалаҳои марбут ба соҳаи геологияи ИДМ роҳбарони ҳайатҳо якчанд қарорҳоро ба имзо расониданд.
Аксҳо аз Саридораи геологияи назди Ҳукумати ҶТ
Тоҷикистон ва Молдова машваратҳои консулӣ баргузор намуданд
Cафири Тоҷикистон бо Президенти Ҷумҳурии Ироқ мулоқот намуд
Ҳамкории иқтисодӣ ва ҷалби сармоягузории Давлати Кувайт ба Тоҷикистон баррасӣ гардид
Сафири Тоҷикистон бо Президенти Кантони Сюрих мулоқот намуд
Сафири Тоҷикистон дар Австрия бо Президенти Ассотсиатсияи табибони «Avicenna» вохӯрӣ намуд
Ҳамкории Тоҷикистон бо Палатаи муштараки тиҷоратии Швейтсария баррасӣ гардид
Сафири Тоҷикистон бо раиси Маркази миллии ҳамкории судии байналмилалии Ироқ мулоқот намуд
Қоҳир Расулзода бо роҳбари Бюрои рушди иттиҳоди байналмилалии алоқаи барқӣ Космос Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
