Ҷаласаи навбатии Шӯрои вазирони корҳои хориҷии ИДМ дар Тоҷикистон баргузор мешавад
ДУШАНБЕ, 14.10.2021 /АМИТ «Ховар»/. 13-14 октябр дар шаҳри Минск ҳайати Ҷумҳурии Тоҷикистон таҳти роҳбарии муовини Вазири корҳои хориҷӣ Содиқ Имомӣ дар ҷаласаи Шӯрои вазирони корҳои хориҷии кишварҳои узви Иттиҳоди Давлатҳои Мустақил ширкат варзид. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Дар ҷараёни вохӯрӣ оид ба масъалаҳои мубрами рӯзномаи байналмилалӣ ва ҳамкорӣ дар доираи ИДМ мубодилаи афкор сурат гирифт.
Дар поёни ҷаласа сарони ҳайатҳо 14 қарорро имзо карданд, аз ҷумла лоиҳаи Изҳороти сарони давлатҳои узви Иттиҳодро ба муносибати 30-юмин солгарди ИДМ қабул карда, нақшаи баргузории бисёрҷонибаи машваратҳои сатҳи байниидоравӣ дар доираи Иттиҳод барои соли 2022, Низомнома дар бораи Ассотсиатсияи байналмилалии (комиссияи) таърихшиносон ва бойгонишиносони кишварҳои узви ИДМ ва дигар қарорҳоро тасдиқ намуданд.
Ҷаласаи навбатии Шӯрои вазирони корҳои хориҷии ИДМ 8 апрели соли 2022 дар Ҷумҳурии Тоҷикистон баргузор мешавад.
АКС аз Вазорати корҳои хориҷии ҶТ
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
