Аз 8 то 11 октябр дар қаламрави Тоҷикистон ҳавои номусоид пешгӯӣ мешавад
ДУШАНБЕ, 07.10.2021 /АМИТ «Ховар»/. Аз 8 то 11 октябр дар ҷумҳурӣ ҳавои номусоид пешгӯӣ шуда, дар баъзе ноҳияҳо шамол дар як сония то 7-12 метр мевазад ва бориши борон дар водиҳою баландкӯҳҳо ба барф табдил меёбад. Инчунин дар ноҳияҳои кӯҳӣ туман мефарояд, иттилоъ доданд аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар».
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи кишоварзоне, ки дар ноҳияҳои кӯҳистон ва доманакӯҳҳо зиндагӣ мекунанд, мерасонад, ки сардиҳои аввал метавонанд ба заминҳои кишоварзӣ зарар расонанд. Аз ин рӯ, тавсия дода мешавад, ки ҳосили пухтаро сари вақт ҷамъоварӣ намоянд. Инчунин ҳосили норасидаро бо плёнка, алаф ё ягон чизи дигар бипӯшонанд.
Ба диққати чорводорон расонида мешавад, ки ҳангоми чаронидани чорво дар чарогоҳҳои кӯҳӣ эҳтиёткор бошанд.
Аз ронандагон даъват карда мешавад, ки ҳангоми ҳаракат дар роҳҳои кӯҳистон суръат ва фосилаи байни мошинҳоро риоя кунанд, чунки дар ин рӯзҳо эҳтимоли сангрезӣ низ зиёд аст.
АКС аз манбаи боз
Пешвои миллат: «Дар рӯзҳои ид сарфаю сариштакор бошем, ба намоишкориву исрофкорӣ роҳ надиҳем»
Форуми байналмилалии «Занон ва об-2026» ба пешбурди масъалаҳои гендерӣ дар соҳаи об мусоидат намуд
Дар Душанбе Форуми байналмилалии «Занон ва об» оғоз гардид
Дар Донишгоҳи миллии Тоҷикистон дар мавзуи ташаккули низоми нави радио, телевизион ва интернет конфронси илмӣ -амалӣ баргузор шуд
РАВАНДИ ОБИ ДУШАНБЕ. Тақрибан 150 волонтёр барои баргузории Конфронси чоруми байналмилалии сатҳи баланд ҷалб шудаанд
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
